Béyjing we xongkonglarda yéngidin choshqa zukami yuqumdarliri bayqaldi

Xitay sehiye ministirliqining élan qilishiche, xitayning béyjing we xongkong sheherliride choshqa zukami yuqumdarliridin yene ikkisi bayqalghan. Buning bilen béyjing shehiride mezkur zukamni yuqturuwalghan yuqumdarlarning sani 3 ke yetti. Xitay boyiche bu türlük zukam wirosini yuqturuwalghanlarning sani az dégende 6 neper.
Muxbirimiz erkin
2009-05-22
Share

Xitay sehiye da'iriliri béyjingda bayqalghan yuqumdarning 69 yashlardiki bir er kishi ikenlikini, uning 16 - chisla ayali bilen xitay hawa yollirining ayropilanigha olturup, béyjinggha qaytqanliqini ilgiri sürgen.

Xewerlerge qarighanda yuqumdar 21 ‏- chisla tuyuqsiz qizip, béyjing sheherlik 302 - herbiy doxturxanigha élip bérilghandin kéyin, doxturlar uning H1N1 tipliq choshqa zukami yuqturwalghanliqini békitken.

Xongkong sehiye da'iriliri bolsa xongkongda bayqalghan yuqumdarning 18 ‏- chisla tayland hawa yollirining ayropilanigha olturup, amérikining nyuyork shehiridin xongkonggha qaytip kelgenlikini, uning teywende bayqalghan tunji choshqa zukami yuqumdari bilen oxshash bir ayropilan'gha olturup xongkonggha qaytqanliqini élan qildi. Xongkongda hazirgha qeder mezkur wirusni yuqturuwalghanlar 4 neper. 


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet