Xitay adwokatlarning amérikigha kélishige yol qoyulmighan

Xitay adwokatlarning amérikigha kélishige yol qoyulmighan. Birleshme agéntliqida körsitishiche, jang tyenyong, we li subin qatarliq ikki neper xitay adwokat shenbe küni amérikigha bérip, amérikidiki dölet mejlisi ezaliri, sotchilar we bir qisim tetqiqatchilar bilen uchrishish üchün yolgha chiqqanda xitay bixeterlik xadimliri bu adwokatlarni tosup qalghan.
Muxbirimiz jume
2010.10.30
Share on WhatsApp
Share on WhatsApp

Adwokat jang tyenyong shangxey ayroportida, adwokat li subin, béyjing xelq'ara ayroportida tosup qilin'ghan.

Melum bolushiche, xitay hökümiti öktichi we pa'aliyetchilerge qaritilghan basturushni, lyu shawbogha bu yilliq nobél tinchliq mukapati bérilgendin téximu éghirlashturghan.

Xewerde neqil qilishiche, bu nöwet tosup qélin'ghan adwokatlarni amérikidiki "xitaygha yardem" fondi jem'iyiti teklip qilghan. "Xitaygha yardem" jem'iyitining bildürüshiche, jem'iyet her yili xitaydin adwokat we bashqa sahediki shexslerni teklip qilip, amérika dölet xadimliri bilen körüshtürüdiken.

"Xitaygha yardem" jem'iyitining prézidénti bob fu, xitay hökümitining mezkur qilmishidin ümidsizlen'genlikini bildürgen.

Melum bolushiche, bu nöwet teklip qilin'ghan adwokatlar, bu yil noyabirda amérikida élip bérilidighan parlamént saylimini körüsh üchün teklip qilin'ghaniken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.