Хитай алий сот мәһкимиси қәшқәр оттура сотни мукапатлиди

Хитай алий сот мәһкимиси қәшқәр вилайәтлик оттура сот мәһкимисини коллектип биринчи дәриҗилик хизмәт көрсәтти дәп тизимға алди вә тәқдирлиди, шинхуа агентлиқиниң бу һәқтики хәвиридин мәлум болушичә, хитай алий сотиниң мәхсус вәкили җоуземин вә уйғур аптоном районлуқ юқири сот башлиқи, аптоном районлуқ сиясий - қанун комитетиниң секритари қатарлиқ бир қисим юқири дәриҗилик әмәлдарлар қәшқәргә келип, тәқдирләш мурасими өткүзгән.
Мухбиримиз үмидвар
2009.06.07

5 - Июн күни өткүзүлгән бу паалийәттә сөз қилған хитай алий сот партийә гурупписиниң әзаси, сиясий башқарма башлиқи җоуземин қәшқәр оттура сотиниң хизмәт нәтиҗилиригә юқири баһа бәргән.

Уйғур аптоном районлуқ сиясий қанун комитетиниң секритари болса, өзиниң қәшқәр сотиға бәргән баһасида " һәр дәриҗилик сот мәһкимилириниң муқимлиқни күчәйтишкә һәссә қошушини, дөләтниң бихәтәрликини қоғдашни сот мәһкимисиниң хизмитиниң техиму көрүнәрлик орниға қоюп, ' үч хил күчләр' қатарлиқларға қаттиқ зәрбә беришини" тәләп қилди.

Уйғур аптоном районлуқ юқири сот мәһкимиси һәр қайси сот мәһкимилириниң қәшқәр оттура сотидин өгиниш паалийитини қанат яйдурушнини қарар қилған.

Исмини ашкарилашни халимайдиған бир нәпәр қанун хадиминиң ейтишичә, қәшқәр қатарлиқ уйғурлар көп җайлардики сот мәһкимилири әзәлдин сиясий һәрикәт билән шуғулланғанларни қаттиқ җазалаш позитсийиси тутуп кәлгән болуп, қәшқәр оттура соти бейҗиң олимпики һарписида йүз бәргән бир қатар вәқәләргә нисбәтән қаттиқ җазалаш һөкүмлири чиқарған болуп, бу қәшқәр сот мәһкимисиниң хизмәт көрситишигә шараит яратқан икән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.