Хитай һөкүмәт ахбаратиниң америкиниң йеңи һәрбий истратегийигә қаритилған һуҗумлири әвҗигә чиқти

Хитай һөкүмәт ахбаратиниң америкиниң йеңи һәрбий истратегийигә қаритилған һуҗумлири шәнбә күни техиму әвҗигә чиқти. Хитайниң бир деңиз армийә адмирали шәнбә күни һөкүмәт игидарчилиқидики "хитай күндилик гезити" баш мақалә елан қилип, америка асияға қаратқан йеңи һәрбий истратегийини "бузғунчи" дәп атиди вә буниң райондики җиддийликни улғайтиветидиғанлиқини илгири сүрди.
Мухбиримиз җүмә
2012-01-07
Share

Америка президенти обама пәйшәнбә күни кәлгүсидә америка армийисиниң истажини қисқартидиғанлиқи, әмма америкиниң асиядики һәрбий мәвҗутлуқини техиму күчәйтидиғанлиқини җакарлиған иди.

Бу хитай ахбаратлирида күчлүк инкас қозғиған. Хитайниң деңиз армийә адмирали яңйи бүгүнки баш мақалисидә америкиниң бу йеңи һәрбий истратегийиси һәққидә тохтилип: шуниси ениқки бу йеңи мудапиә истратегийиси хитай вә иранни нишан қилған, дәп көрсәткән.

У мақалисидә йәнә: кимниң район бихәтәрликини һәқиқий қоғдиғучи вә киминиң бузғучи икәнликини азрақ истратегийә савади бар һәр қандақ адәм ениқ көрүп йетәләйду, дәп йезип америкини район бихәтәрликини бузғучи дәп көрсәткән.

Алдинқи күни хитайниң шиху агентлиқиму баш мақалә елан қилип, обаманиң йеңи һәрбий истратегийиси "район хәвпсизликигә тәһдит әп келиду" дегән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт