Америка карханичилири буш һөкүмитидин хитайдин импорт қилинидиған малларға қарита чәклимә қоюшни тәләп қилди

Түнүгүн йәни сәйшәнбә күни америка дөләт мәҗлисидики 73 нәпәр палата әзаси америкидики бир түркүм карханичиларниң тәлипигә бинаән, буш һөкүмитигә тәклип сунуп, хитайдин импорт қилинидиған тоқумичилиқ вә кийим - кечәк түрдики малларға қарита чәклимини күчәйтишни тәләп қилди.
Мухбиримиз шөһрәт һошур
2008-10-01
Share

Америка - хитай арисидики импорт - експорт миқдари һәққидики келишим 2005 ‏ - йили түзүлгән. Келишим бойичә, екиспорт - импорт миқдари вә түри бу йилниң ахирида қайтидин бекитилиду.

Буш һөкүмитигә сунулған тәклиптә, йиллардин бери хитайниң сүпәтсиз малларни һәтта бир қисим зәһәрлик малларни експорт қилип, америка истималчилирини зиянға учратқанлиқи, болупму сүпәтсиз маллириниң төвән тәннәрқи билән америка базирида үстүнлүк қазанғанлиқини, малниң сүпитигә әһмийәт бәргән вә қанунға риайә қилған америка карханичилириниң содида зиян тартип келиватқанлиқи билдүрүлгән.

Тәклиптә, хитайниң бир түркүм тоқумчилиқ вә кийим - кечәк түрдики маллирини импорт қилишни бикар қилишни вә яки импорт миқдарини азайтишни, шуниң билән биллә, сүпәт өлчимини юқири көтүрүп назарәтни күчәйтишни тәләп қилди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт