Хитай аммиви сорунларда тамака чекишни чәклиди
2011.05.01
Б б с агентлиқиниң хәвәр қилишичә, хитайда тамака чекидиғанларниң сани 300 милйондин артуқ болуп, һәр йили бир милйон адәм, тамака чекишкә мунасивәтлик кесәллик сәвәбидин өлидикән.
Франсийә агентлиқиниң йезишичә, хитай бу қанунни елан қилған болсиму, бирақ кәң көләмдә тәшвиқат ишлирини башлимиған болуп, шу сәвәбтин нурғун пуқралар техи бундақ қанунниң чиқирилғанлиқидин хәвәрсиз қалған.
Өткән йилила бир қисим җайларда җамаәт сорунлирида тамака чәкмәслик тәшәббус қилинған болсиму, бирақ униңға бойсунуш әмәлийләшмигән иди.
Аммиви сорунлирида тамака чекиш хитайда узундин буян талаш-тартиш вә наразилиқларни қозғап келиватқан мәсилә болуп, һәтта кичик балилар, һамилидар аяллар, яшанғанлар коп җайлардиму тамака чекиш, башқиларниң саламәтлики вә муһит пакизлиқи билән һесаблашмаслиқ җәмийәт характерлик инкасларни қозғимақта иди.