خىتاي خاككېرلىرى ئاۋسترالىيىنىڭ باشقا بىر سەنئەت تورىغا ھۇجۇم قىلدى

فرانسىيە ئاگېنتلىقىنىڭ خەۋەر قىلىشىچە، خىتاي تور خاككېرلىرى دۇنيا ئۇيغۇر قۇرۇلتىيىنىڭ رەئىسى رابىيە قادىر خانىمنىڭ ئاۋسترالىيىدىكى مېلبورن فىلىم فېستىۋالىغا قاتنىشىشىغا نارازىلىق بىلدۈرۈش ئۈچۈن مېلبورن خەلقئارالىق فىلىم فېستىۋالىنىڭ تور بېتىگە ئىسىم جەھەتتىن ئىنتايىن يېقىن بولغان مېلبورن خەلقئارالىق سەنئەت فېستىۋالىنىڭ تور بېتىگە بۇزغۇنچىلىق قىلىپ تور بېتىگە خىتاي بايرىقى ۋە رابىيە قادىر خانىمغا قارشى سۆزلەرنى قالدۇرۇپ قويغان.
ﻣﯘﺧﺒﯩﺮﯨﻤﯩﺰ ﺋﯩﺮﺍﺩﻩ
2009-08-06
Share

مېلبورن سەنئەت فېستىۋالىنىڭ باياناتچىسىنىڭ ئېيىتىشىچە، خىتايلار بۇ سەنئەت تور بېتىنى: "بىز كىنونى ياخشى كۆرىمىز، ئەمما رابىيە قادىرنى ياخشى كۆرمەيمىز، ئۇ بولسا بىر تېررورچى"، " سىلەر دەرھال جۇڭگولۇقلاردىن ئەپۇ سوراڭلار" دېگەندەك سۆزلەر بىلەن قاپلىۋەتكەن.

سەنئەت فېستىۋالنىڭ تەشكىللىگۈچىسى ۋىۋىيا خېكمەن خانىم خىتاي خاككىرلارنىڭ زادى نېمە ئۈچۈن بۇنداق قىلغانلىقىنى چۈشەنمىگەنلىكىنى، بۇر تورنىڭ ئىسىم جەھەتتىن مېلبورن فىلىم فېستىۋالىغا ئوخشىشىپ كېتىدىغانلىقىدىن بەلكىم مۇشۇنداق ئەھۋال يۈز بەرگەن بولۇشى مۇمكىنلىكىنى، بۇ ئەھۋالنى ساقچىغا مەلۇم قىلغانلىقىنى بىلدۈرگەن.

خىتاي ھۆكۈمىتى ئاۋسترالىيە ھۆكۈمىتىگە رابىيە قادىر خانىمنىڭ مېلبورن فىلىم فېستىۋالىغا قاتناشماسلىقى ئۈچۈن قاتتىق بېسىم ئىشلەتكەن ۋە خىتاي خاككىرلار بۇندىن بۇرۇن مېلبورن فىلىم فېسىتۋالىنىڭ تور بېتىگىمۇ ئىككى قېتىم ھۇجۇم قىلغان ئىدى.

خىتاينىڭ كىنو سەنئىتىگە سىياسەتنى ئارىلاشتۇرۇپ بېسىم ئىشلىتىشى خەلقئارادا ئىنتايىن كۈچلۈك نارازىلىق پەيدا قىلىۋاتقان بولۇپ، خىتاينىڭ قىلغان بېسىملىرىنىڭ ئەكسچە، رابىيە قادىر خانىمنىڭ ھاياتى تەسۋىرلەنگەن مۇھەببەتنىڭ ئون شەرتى ناملىق بۇ ھۈججەتلىك فىلىمنىڭ بېلىتى تولۇق سېتىلىپ بولغان بولۇپ، يېقىندا يېڭى زېللاندىيىمۇ بۇ فىلىمنى قويىدىغانلىقىنى ئېلان قىلغان ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت