Хитай москвадики партлаштин кейин, айродром бихәтәрликини қайтидин көздин кәчүрди

Шинхуа агентлиқиниң бу һәқтики хәвиридә билдүрүлүшичә, бейҗиң хәлқаралиқ айродромдики чарлаш хизмити күчәйтилгән, бихәтәрлик камералири қайта көздин кәчүрүлүп толуқлаш елип берилған, бомба байқаш үчүн ишлитидиған апшаркилар көпәйтилгән. Хәвәрләрдә баян қилинишичә, бейҗиң хәлқаралиқ айродроми дунядики қатнаш сиҗиллиқи йүксәк болған айродромларниң бири, униң үстигә 3 ‏- феврал күни хитайниң чаған байрими; шуңа бейҗиң хәлқаралиқ айродромниң бихәтәрлик мәсилиси хитайни түнүгүнки москвадики партлаштин кейин җиддий әндишигә салған. Москвадики партлаш домодедово хәлқаралиқ айродромда йүз бәргән.

Һуҗумчилар һәққидики бәзи хәвәрләрдә оттура шәрқлиқ сияқидики бир киши дәп билдүрүлсә, бәзи хәвәрләрдә кафкасиялиқ пидаийлар дәп көрситилмәктә. Һуҗумниң шәкли һәққидә бәзи мәнбәләр йирақтин башқурулидиған бомба қоллинилғанлиқини пәрәз қилса, йәнә бәзи мәнбәләр һуҗумчиниң нәқ мәйданда өзини партлитишниң алдида әтраптики кишиләргә варқирап хитаб қилғанлиқи билдүрүлмәктә.

Русийиниң дөләт бихәтәрлик тармақлири, йеқиндин буян дөләтниң бихәтәрлик хадимлириниң санини қисқартивәткәнликини баян қилип, буни вәқәниң алдини елишта аҗизлиқ қилишиниң сәвәблири қатарида көрсәткән. Әмма, бәзи көзәткүчиләр болса террорлуқниң аҗизларниң күчлүк қорали икәнликини билдүрүп, русийә чечән мәсилисини һәл қилмай туруп, бу түр вәқәләрдин сақлиналмайдиғанлиқини билдүрмәктә.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар