خەۋەردە خىتاي جامائەت خەۋپسىزلىك مىنىستىرى مېڭ جيەنجۇنىڭ كۇرسسانتلارغا قىلغان سۆزىنى نەقىل ئېلىشىچە، نۆۋەتتىكى ئۇچۇر ھەم ئاخبارات دەۋرىدە، تۈرلۈك خىرسقا ئۇچراۋاتقان مۇقىملىقنى ئىشقا ئاشۇرۇشتا، خىتاي جامائەت خەۋپسىزلىك تارماقلىرى، جەمئىيەت ۋە ئامما بىلەن بولغان ئالاقىنى كۈچەيتىپ، يۇقىرى سەۋىيە، ئىلغار سىياسىي ساپا ھەم ئىسىتراتېگىيىلىك جەمئىيەت باشقۇرۇش ساپاسىغا ئىگە،ئىنتىزامچان، ئاخبارات ئىگىلەش ھەم تارقىتىش خادىملىرىغا مۇھتاج بولماقتا ئىكەن.
مېڭ جيەنجۇ يېڭى تەربىيىلەنگەن بۇ باياناتچىلاردىن ئۆز ئورۇنلىرىغا قايتىپ بارغاندىن كېيىن، جايلاردا يۈز بەرگەن پارتلاش خاراكتېرلىك ۋەقەلەردە ۋەزىيەتنى كونترول قىلىش، پارتىيە - ھۆكۈمەتنىڭ سىياسىتىگە ماسلىشىپ، ھەر قانداق مەسىلىدە سىياسىي سەرگۈرلۈك بىلەن ئىش كۆرۈپ، ئۇچۇر ئاخبارات ساھەسىدىكى مۇقىملىقنى قوغداشنى ئۆزىنىڭ بىرىنچى ۋەزىپىسى دەپ خىزمەت قىلىشنى تەلەپ قىلغان.
خىتاي دائىرىلىرى نۆۋەتتە كوممۇنىستىك پارتىيىنىڭ جۇمھۇرىيەت قۇرغان 60 يىللىقىنى تەبرىكلەش جەريانىدا ھەر قانداق قالايمىقانچىلىقنىڭ ئالدىنى ئېلىش ئۈچۈن ھەر تەرەپلىمە قاتتىق تەييارلىق كۆرمەكتە شۇنداقلا ئۇيغۇر ھەم تىبەت رايونلىرىدىكى كونتروللۇقىنى بارغانچە كۈچەيتمەكتە.
خىتاي جامائەت خەۋپسىزلىكى مىنىستىرى مېڭ جيەنجۇ بۇنىڭ ئالدىدا ئۇيغۇر ئېلىدىكى خىتاي قوراللىق ساقچى ھەم ھەربىي قىسىملىرىنى مەخسۇس زىيارەت قىلىپ، 5 - ئىيۇل ۋەقەسى جىنايەتچىلىرىنى ئىز قوغلاپ تۇتۇش سالمىقىنى ئاشۇرۇشنى تەلەپ قىلغان ئىدى.