Баш бәт | Тәпсилий хәвәр | Қисқа хәвәрләр

Хитай демократик һоқуқ паалийәтчиси лю шявбо, бир йилдин буян сотниң һөкүмисиз тутуп турулуватқан болуп, униң аяли дүшәнбә күни хитай һөкүмитиниң йолдиши үстидин тезрәк һөкүм елан қилиши керәкликини, шундақ болғанда йолдишини қәрәллик йоқлап туралайдиғанлиқини билдүрди.

• Принт
• Һәмбәһр
• Пикир
• Елхәт

Бирләшмә агентлиқида нәқил қилинишичә, лю шявбониң аяли лю шя йолдишини хитай сақчилириниң назарити астида бу йил мартта көргәнчә, қайта көрәлмигәнликини илгири сүргән.

Лю шявбо "2008 низамнамиси"гә имза қойғучилардин бири иди. "2008 Низамнамиси" дә хитайда кишилик һоқуқ вә демократийини яқлайдиған қанун өзгәртиш тәләп қилинған болуп, мәзкур низамнамигә хитайдики 150 нәпәр нопузлуқ хитай зиялийси имза қоюп хитай һөкүмитигә йоллиған иди.

Мәзкур низамнамә елан қилиништин бир күн илгири, йәни 2008 - йили 8 - күни лю шявбо өйидин елип кетилгән.

Мәлум болушичә, лю шявбо бир намәлум бир орунда 6 ай тутуп турулғандин кейин, бу йил июнда "дөләт һакимийитини ағдурушқа урунуш" җинайити билән рәсимий қолға елинған иди.

Лю шявбо әсли университет профессори болуп, у 1989 - йилидики тийәнәнмен һәрикитигә қатнашқан вә 20 ай түрмидә тутуп турулғандин кейин қоюп берилгән.

• Бүгүнки аңлитиш
• Илгирики аңлитишлар