خىتاي دۆلەت بايرىمى ئالدىدا ۋەتەنپەرۋەرلىكنى تەشۋىق قىلىپ، بىخەتەرلىكنى كۈچەيتمەكتە

خىتاي دۆلەت قانىلى كىشىلەرنى مىللەتپەرلىك، ۋەتەنپەرۋەرلىك تەشۋىق قىلىنىدىغان كىنولارنى كۆرۈشكە رىغبەتلەندۈرۈش ئۈچۈن بىر مىليونغا يېقىن كىنو بېلىتى تارقىتىدىكەن. بۇنىڭدىكى مەقسەت بولسا ئۆكتەبىردە ئۆتكۈزۈلۈش ئالدىدا تۇرغان خىتاينىڭ 60 يىللىقىنى تەبرىكلەش بايرىمى ئالدىدا كىشىلەرنىڭ ۋەتەنپەرلىك تۇيغۇسىنى ئاشۇرۇشتىن ئىبارەت ئىكەن.
ﻣﯘﺧﺒﯩﺮﯨﻤﯩﺰ ﺋﯩﺮﺍﺩﻩ
2009.08.27
Share on WhatsApp
Share on WhatsApp

سنتەبىردىن ئىتىبارەن كىنوخانىلاردا قويۇلىدىغان ۋەتەنپەرۋەرلىككە ئائىت كىنولارنىڭمۇ باھاسى 10 يۇەن قىلىپ بېكىتىلگەن بولۇپ، نويابىرغىچە 900 مىڭ ئەتراپىدا بىلەت سېتىلىدىغانلىقى تەخمىن قىلىنماقتا.

خىتاي ھازىر ئۆكتەبىردىكى دۆلەت بايرىمىغا پۈتۈن كۈچى بىلەن تەييارلىق كۆرۈۋاتقان بولۇپ، مۇراسىمنى ساق - سالامەت ئۆتكۈزۈۋېلىش ئۈچۈن بىخەتەرلىك تەدبىرلىرىنى قاتتىق كۈچەيتمەكتە. بېيجىڭ دائىرىلىرى ھازىر بېيجىڭنىڭ ئۆزىگىلا 6000 دىن ئارتۇق ساقچى ئورۇنلاشتۇرۇش بىلەن بىرلىكتە يەنە 800 مىڭ ئەتراپىدا كىشىنى بايرام كۈنلىرىدە كوچىلاردا بىخەتەرلىك قوغداشقا ئورۇنلاشتۇرغان.

خىتاي ئۇيغۇر ئېلىدىمۇ ئۈرۈمچى ۋەقەسىنىڭ ئالدى - كەينىدە دۆلەت بايرىمىنىڭ بىخەتەرلىكىنى قوغداش باھانىسى بىلەن تازىلاش ھەرىكەتلىرىنى ئېلىپ بارماقتا. ئۇيغۇر دىيارىنىڭ تېلىفون ۋە ئىنتېرنېت ئالاقىلىرىنىڭمۇ خىتاينىڭ دۆلەت بايرىمىغىچە ئەسلىگە كەلمەيدىغانلىقى مەلۇم بولماقتا.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.