Xitay déngiz armiyisi jenubiy déngizda urush meshiqi ötküzdi
Muxbirimiz weli
2010.11.03
2010.11.03
Bu meshiqte xitayning 1800 eskiri, urushchi tik uchar, mina tazilighuchi paraxot, su asti hujum paraxot, déngizdin quruqluqqa chiqidighan paraxot, sudimu - quruqluqtimu hujum qilidighan tankilar bilen istihkamlargha hujum qilish, quruqluqqa chiqishni meshq qilishqa bashlidi.
Xewerde éytilishiche, xitay hazir jenubiy déngizda ötküzüwatqan bu urush meshiqi, del wéytnam qatarliq etraptiki bashqa döletler bu rayondiki taqim arallargha bolghan igilik hoquqini jakarlap kéliwatqan jayda dawamlishiwatidu. Bu, jenubiy déngizdiki taqim arallar mesiliside, xitay bilen majirasi bar döletlerning munasiwitide jiddiylik peyda qilidighanliqi éniq.
Xitay hazir urush meshiqi ötküzüwatqan jayda, 1988 - yili xitay qisimliri bilen wéytnam qisimliri otturisida jiddiy toqunush yüz bergen idi. Eyni waqitta wéytnam terep, toqunushta wéytnam paraxoti chöktürülgen, 70 eskiri öltürülgenlikini élan qilghan, emma xitay terep qanchilik chiqim bolghanliqini élan qilmighan idi.