Хитай бу йиллиқ һәрбий хам чотини 7.5 Пирсәнт өстүрди

Хитай бу йиллиқ һәрбий хам чотиниң көпийиш нисбитини өткән йилқидин йерим һәссә азайтип, 7.5 Пирсәнт өстүрди. Бу хитайниң йеқинқи 20 йилдин бери дөләт мудапиә хам чотини әң аз өстүргән бир йилдур.
Мухбиримиз әркин
2010-03-04
Share

Бәзи анализчилар бу иқтисади кризисниң тәсири вә хитайниң һәрбий тәрәққияти бәзи дөләтләрдә пәйда қилған әнсизликни пәсәйтиш урунуши билән мунасивәтлик болуши мумкин, дәп қаримақта.

Хитай хәлқ қурултийиниң баянатчиси ли җавшиң хәлқ қурултийи мәмликәтлик йиғининиң ечилиш һарписида ахбарат елан қилиш йиғини өткүзүп, һәрбий хам чот хитайниң "һәр хил тәһдиткә қарши туруш" иқтидарини өстүрүшкә ишлитилидиғанлиқини, хитайниң тинч тәрәққият йолида маңидиғанлиқини вә һәрбий тәрәққияти мудапиәни чиқиш қилидиғанлиқини илгири сүргән.

Хитай һөкүмити йеқинқи 20 йилдин бери дөләт мудапиә хам чотини һәр йили аз дегәндә 15% тин өстүрүп, америка һиндистан, японийә қатарлиқ дөләтләрдә хитайниң һәрбий ишларни тәрәққи қилдуруштики нийитигә қарита гуман қозғиған иди.

Хитайниң 2009 ‏- йиллиқ һәрбий хам чоти 70 милярд доллар болуп, ли җавшиң бу йиллиқ хитай һәрбий хам чотиниң 78 милярд долларға өстүрүлгәнликини билдүргән. Хитайниң 2009 - йиллиқ һәрбий хам чоти 9.14 Пирсәнт өстүрүлгән иди. Лекин вашингтондики бәзи һәрбий мутәхәссисләр хитайниң әмәлийәттики һәрбий хам чоти хитай елан қилғандин көп юқири икәнлики, әмәлийәттики һәрбий селинма 140 милярд доллардин 150 милярд долларға қәдәр йетидиғанлиқини илгири сүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт