Xitay bu yilliq herbiy xam chotini 7.5 Pirsent östürdi

Xitay bu yilliq herbiy xam chotining köpiyish nisbitini ötken yilqidin yérim hesse azaytip, 7.5 Pirsent östürdi. Bu xitayning yéqinqi 20 yildin béri dölet mudapi'e xam chotini eng az östürgen bir yildur.
Muxbirimiz erkin
2010-03-04
Share

Bezi analizchilar bu iqtisadi krizisning tesiri we xitayning herbiy tereqqiyati bezi döletlerde peyda qilghan ensizlikni peseytish urunushi bilen munasiwetlik bolushi mumkin, dep qarimaqta.

Xitay xelq qurultiyining bayanatchisi li jawshing xelq qurultiyi memliketlik yighinining échilish harpisida axbarat élan qilish yighini ötküzüp, herbiy xam chot xitayning "her xil tehditke qarshi turush" iqtidarini östürüshke ishlitilidighanliqini, xitayning tinch tereqqiyat yolida mangidighanliqini we herbiy tereqqiyati mudapi'eni chiqish qilidighanliqini ilgiri sürgen.

Xitay hökümiti yéqinqi 20 yildin béri dölet mudapi'e xam chotini her yili az dégende 15% tin östürüp, amérika hindistan, yaponiye qatarliq döletlerde xitayning herbiy ishlarni tereqqi qildurushtiki niyitige qarita guman qozghighan idi.

Xitayning 2009 ‏- yilliq herbiy xam choti 70 milyard dollar bolup, li jawshing bu yilliq xitay herbiy xam chotining 78 milyard dollargha östürülgenlikini bildürgen. Xitayning 2009 - yilliq herbiy xam choti 9.14 Pirsent östürülgen idi. Lékin washin'gtondiki bezi herbiy mutexessisler xitayning emeliyettiki herbiy xam choti xitay élan qilghandin köp yuqiri ikenliki, emeliyettiki herbiy sélinma 140 milyard dollardin 150 milyard dollargha qeder yétidighanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet