2010‏ - Йили хитай һөкүмити уйғур юртлирида туғут чәкләштә әң чоң нәтиҗә қазинидиған йил болидикән

Хитайниң 'шинҗаң гезити' ‏1 - айниң 25 күни баян қилишичә, уйғур аптоном райони 2009‏ - йилида, хитай коммунист партийә мәркизи комитети вә дөләт кабинтиниң нопус мәсилисни бир туташ пиланлап һәл қилиш қарариға асасән, 'ички еһтияҗни ашуруш' дегән нам билән туғут чәкәләш үчүн 32 милйон юән аҗритип, йеза дәриҗилик пиланлиқ туғут мулазимәт понкитидин 123 ини қурған.
Мухбиримиз вәли
2010-01-27
Share

Униңдин кейин йәнә 63 милйон юән аҗритип, туғут чәкләш понкитлири үчүн туғут чәкләш аптомобили қатарлиқ әслиһә сетивелип тәқсимләп бәргән вә 974 хизмәтчи көпәйткән (буниң 50% и мәхсус сәпләнгән 'техника хадимлири' икән.) Шундақла йәнә, аптоном район буйичә, болупму җәнубтики намрат җайлардики 11 милйон 670 миң нопусниң туғут учурлири тизимликкә елинип, учур искилати бәрпа қилинған.

Хитайниң тәңритағ тор бети 21‏ - январдики хәвиридә, 2009‏ - йили 12 ‏ - айниң 31 ‏ - күнигә қәдәр 'шинҗаң нопуси 21 милйон 586 миң 300 гә йәтти, йиллиқ туғулуш несбити 15.99%, өлүш несбити %5.43, тәбиий көпийиш 10.56% . Буниң ичидә, аз санлиқ милләт нопуси 12 милйон 944 миң 800, туғулуш несбити 2.0% Дәп елан қилған иди.

Хитайниң 'шинҗаң гезити' дә баян қилинишичә, 2010‏ - йили уйғур аптоном районида пиланлиқ туғут хизмитидә йеңилиқ яритилидиған вә наһайити чоң нәтиҗә қазинилидиған йил болидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт