Xitay pul qimmitide chong özgirish élip bérilmaydighanliqini élan qildi

Xitay merkizi bankisi xitay pulining almashturush qimmitide élip bérilidighan tengsheshning anche chong bolmaydighanliqini élan qildi. Birleshme agéntliqining xewer qilishiche, merkiziy banka jüme küni, pul qimmitide melum tengshesh élip bérilidighanliqini bildürgen idi.
Muxbirimiz irade
2010-06-21
Share

Shenbe küni ular yene xelq puli qimmitining tengpung we muqim bolidighanliqini, tengshesh élip bérilghan teqdirdimu uning nahayiti az nisbette bolidighanliqini jakarlidi.

Xitayning merkiziy bankisi yene xitay pulining almashturush qimmitining dollarghila emes, bashqa amillarghimu qarap tengshilidighanliqini eskertti.

Mezkur qarar élan qilin'ghandin kéyin dunya pay chek bazarliri xitayning axirqi qararini kütmekte. Asiya pay chek bazirida mu'eyyen nisbette ösüsh körgenliki ilgiri sürülmekte.

Amérika we yawropa elliri xitayning éksport qimmitini ashurush üchün xitay pulining almashturush qimmitini qesten töwen tutup, adaletsiz payda éliwatqanliqini ilgiri sürüp, xitayning pul siyasitini eyiblep kelgen. Amérika prézidénti barak obamamu xitay pulining almashturush qimmiti mesilisini muhim kün tertipke qoyup, xitaygha bu heqtiki bésimni ashuruwatqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet