Xitay qanun sahesidiki mutexessisler qanunning musteqilliqini emelge ashurushni teshebbus qildi

En'gliye b b s agéntliqining bügünki xewiridin melum bolushiche, xitay qanun sahesidiki bir qisim mutexessisler maqale élan qilip, xitay kommunist hökümiti rehberliridin xitayda qanunning musteqilliqini emelge ashurushni teshebbus qilghan.
Muxbirimiz méhriban
2013.01.18
Share on WhatsApp
Share on WhatsApp

Béyjing tebi'iy penler uniwérsitéti qanun tetqiqat ishxanisining mudiri proféssor shü jing, xitay edliye-qanun tetqiqat ishxanisining tetqiqatchisi doktor xu'ang yenxaw, gherbiy jenub qanun edliye uniwérsitéting léktori lu rungrung qatarliqlar teripidin yézilghan “2012-Yili xitaydiki edliye-qanun sahesidiki islahat heqqide doklat” namliq maqalide, xitayning yéngi ewlad rehberliridin xitayda hazirgha qeder yolgha qoyuluwatqan qanun sistémisigha qarita islahat élip bérishni emeliyleshtürüsh telep qilin'ghan.

Maqalide, aldi bilen qanunning musteqilliqigha kapaletlik qilip, qanun bilen partiyining munasiwitini éniq ayriwétish, qanunning musteqil adil yolgha qoyulushigha kapaletlik qilish, herqandaq shexs yaki teshkilatning edliye-qanun ishlirigha arilishishigha yol qoyulmasliq telep qilin'ghan.

Maqalide yene, nöwette jama'et xewpsizlik tarmaqlirining bashqurushida boluwatqan emgek bilen özgertish tüzümini bikar qilish, muqimliqni saqlash bahaniside erzdarlarni tutqun qilip emgek bilen özgertish meydanlirigha ewetishtek qilmishlarni tüptin özgertish qatarliqlar telep qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.