Қурултай вәкиллиригә шикайәт қилмаслиқ һәққидә 8 маддилиқ шәрт қойғанлиқ хәвири хәлқара мәтбуатларда инкас қозғиди

Бүгүн б б с агентлиқи, әркин асия радиоси, яхо тор хәвәрлири, твитер,хитайға нәзәр қатарлиқ хәлқара хәвәр агентлиқлири вә тор бекәтлириниң хәвәрлиридә хитайниң һөкүмәт мәтбуати болған шинхуа агентлиқида шәнши өлкилик хәлқ қурултийиниң вәкилләргә шикайәт қилмаслиқ һәққидә қойған 8 маддилиқ шәрти тәнқидләнгәнлики һәққидә хәвәр берилгән.
Мухбиримиз меһрибан
2013.01.22

Бу, хитай һөкүмәт ахбарат васитилиридә хитайдики өлкә дәриҗилик һөкүмәт орунлириниң тунҗи қетим ашкара тәнқидлиниши икәнлики илгири сүрүлди.

Хитайниң һөкүмәт мәтбуати болған шинхуа агентлиқи бүгүн 22-январдики хәвиридә шәнши өлкилик хәлқ қурултийиниң 2013-йили ечилиш алдида турған хитай мәмликәтлик икки йиғин һарписида шәншидә ечилидиған хәлқ вәкилләр қурултийи вәкилләр йиғинида вәкилләрниң шикайәт қилмаслиқи һәққидә чүшүргән 8 маддилиқ бәлгилимини тәнқидлиди.

Шинихуа агентлиқиниң хәвиридә шәнши өлкилик һөкүмәт тәнқидлинип, “хәлқ қурултийи хәлқниң һөкүмәткә болған райини билидиған мәйдан, йиғин мәзгилидә вәкилләрниң шикайәт қилишиға йол қоюлмиса, бу қандақму хәлқ вәкилләр қурултийи болиду” дейилгән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.