Уйғур елидә бу йил 9 нәпәр хитай сақчиси вәзипә өтәш җәрянида өлгән

Хитайчә яшин ториниң хәвәр қилишичә, бу йил 1-айдин 11‏-айға қәдәр уйғур елидә җәмий 9 нәпәр сақчи хадими вәзипә өтәш җәрянида өлгән. Мухбир бу учурни мушу айниң 22-күни җ х назаритидә ечилған бир сөһбәт йиғинидин игилигән.
Мухбиримиз шөһрәт һошур
2011-12-26
Share

Хәвәрдә билдүрүшичә йәнә, өткән 11 ай ичидә, хитайниң 123 нәпәр сақчи хадими вәзипә өтәш җәрянида яриланған. Хәвәрдә мәзкур сақчиларниң конкрет қайси дело яки вәқәләрни бир тәрәп қилиш давамида өлгән яки яриланғанлиқи баян қилинмиған.

Хитай ахбарат васитилиридә ашкарилинишичә, бу йил 18-июл хотәндә йүз бәргән навағ сақчиханисиға һуҗум қилиш вәқәсидә бир нәпәр сақчи хадими өлгән; 30-31-июл қәшқәр йеңибазар вәқәлиридә 50 нәччә киши өлгән вә яриланған болсиму, өлгән вә яриланған сақчиларниң сани тилға елинмиған.

Уйғур көзәткүчиләрниң қаришичә, уйғур елигә охшаш милләтләр ара зиддийәт өткүрләшкән бир җәмийәттә аран 9 нәпәр сақчи хадиминиң вәзипә җәрянида өлүши, бу райондики бихәтәрлик тәдбирлириниң нормалдин ташқири күчәйтилгәнликиниң бир нәтиҗисидур. Йәнә уйғур көзәткүчиләрниң қаришичә, бу әйни вақитта, йеқинқи миллий қаршилиқ һәрикәтлиридә хитай пуқралириниң һуҗум нишани болуп қелишиниң бир сәвәбидур.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт