Uyghur élide bu yil 9 neper xitay saqchisi wezipe ötesh jeryanida ölgen

Xitayche yashin torining xewer qilishiche, bu yil 1-aydin 11‏-aygha qeder Uyghur élide jem'iy 9 neper saqchi xadimi wezipe ötesh jeryanida ölgen. Muxbir bu uchurni mushu ayning 22-küni j x nazaritide échilghan bir söhbet yighinidin igiligen.
Muxbirimiz shöhret hoshur
2011.12.26
Share on WhatsApp
Share on WhatsApp

Xewerde bildürüshiche yene, ötken 11 ay ichide, xitayning 123 neper saqchi xadimi wezipe ötesh jeryanida yarilan'ghan. Xewerde mezkur saqchilarning konkrét qaysi délo yaki weqelerni bir terep qilish dawamida ölgen yaki yarilan'ghanliqi bayan qilinmighan.

Xitay axbarat wasitiliride ashkarilinishiche, bu yil 18-iyul xotende yüz bergen nawagh saqchixanisigha hujum qilish weqeside bir neper saqchi xadimi ölgen؛ 30-31-iyul qeshqer yéngibazar weqeliride 50 nechche kishi ölgen we yarilan'ghan bolsimu, ölgen we yarilan'ghan saqchilarning sani tilgha élinmighan.

Uyghur közetküchilerning qarishiche, Uyghur élige oxshash milletler ara ziddiyet ötkürleshken bir jem'iyette aran 9 neper saqchi xadimining wezipe jeryanida ölüshi, bu rayondiki bixeterlik tedbirlirining normaldin tashqiri kücheytilgenlikining bir netijisidur. Yene Uyghur közetküchilerning qarishiche, bu eyni waqitta, yéqinqi milliy qarshiliq heriketliride xitay puqralirining hujum nishani bolup qélishining bir sewebidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.