Хәлқара олимпик комитети хитайниң 2000 - йиллиқ седний олимпик мусабиқисидә сахтипәзлик қилип алған медаллирини инавәтсиз қилди

Хәлқара олимпик комитети 28 - апрел күни хитайниң 2000 - йили өткүзүлгән седний олимпик мусабиқисидә аялларниң колликтип гимнастика түри бойичә қолға кәлтүргән мис медалини инавәтсиз дәп елан қилди.
Мухбиримиз ирадә
2010.04.29

Игилинишичә, хитай даирилири 2000 - йиллиқ сендний олимпик мусабиқисидә хитай тәнтәрбийичи дуң фаңшявниң йешини 17 яш дәп көрситип мусабиқигә қатнаштурған болуп, дуң фаңшявниң әйни вақитта әмдила 14 яшта икәнлики ашкариланған.
 
Вәқәликниң ашкарилиниши билән хәлқара олимпик комитети дуң фаңшявниң седний олимпик мусабиқисидә вә шундақла 1999 - 2000 йиллири арисидики хәлқара мусабиқиләрдә қолға кәлтүргән барлиқ медаллирини инавәтсиз қилған вә хитайдин мис медални дәрһал қайтуруп беришни тәләп қилған.

Хәлқара олимпик комитети йәнә, хитайниң олимпик мусабиқисиниң қаидә - түзүмлиригә болупму яш чәклимисигә қәтий риайә қилишини тәләп қилған.

Б б с ниң хәвәр қилишичә, хитай даирилири "дуң фаңшявниң ялған яш ишлитип мусабиқигә қатнишиши униң шәхси мәсилиси" дәп, буниңдин әйни вақитта хитай һөкүмәт даирилириниң хәвири йоқлуқини илгири сүргән.

Хәлқара олимпик комитети 2008 - йили ечилған бейҗиң олимпик мусабиқисигә қатнашқан башқа бир хитай маһирниң яш өлчимигә тошқан - тошмайдиғанлиқини тәкшүрүватқанда бу мусабиқидә репирлиқ қиливатқан дуң фаңшявниң йешиниң сахта икәнликини туюқсиз байқап қалған икән.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.