Xitay hökümiti tibet rayonlirida yürgüzüwatqan basturush tibet yashliridiki jandin toyush tuyghulirini kücheytken

Birleshme agéntliqining xewer qilishiche, xitay hökümiti tibet rayonlirida yürgüzüwatqan basturush tibet yashliridiki jandin toyush tuyghulirini kücheytken.
Muxbirimiz jüme
2012-01-28
Élxet
Pikir
Share
Print

Bu xitayni namayishchilarni téximu qattiq basturush we yaki namayishchilarning tibet rayonigha aliy muxtariyet bérish telipini qandurushtin ibaret ikki xil tallashqa duchar qilghan.

Xewerde sichüenning genzi teweside yüz bergen namayish meydanidiki mundaq bir körünüsh süretlen'gen. Qolida teshwiqat wereqilirini kötürgen bir tibet yash "Tibetke erkinlik" dep sho'ar towlighan we xitay saqchilirigha qarap "Yaman bolsang, tutmamsen!?" dep xitab qilghan. Yanda turghan bashqa tibetlermu qozghilip, uni xitay saqchiliridin qoghdashqa tirishqan.

23 - Yanwar düshenbe küni sichüen ölkisi genzi teweside, peyshenbe küni aba nahiyiside tibetler qozghilip xitay hökümitining qattiq qol siyasitige naraziliq bildürgen. Xitay da'iriliri her ikki namayishni qoralliq basturghan.

Daramsaladiki tibet parlamént ezasi yo'udon a'ukatsang xitay da'irilirining tibette bir yer asti qarshiliq heriketliri yüz bérip qélishidin ensireydighanliqini bildürgen.

Toluq bet