Xitay hökümiti daramsaladiki dalay lamagha yéqin bir lamani tibet rahiblirini özini köydürüshke küshkürtken, dep eyiblidi

Xitayning diniy ishlargha mes'ul bir emeldari daramsaladiki dalay lamagha yéqin yuqiri derijilik bir lamani sichüen aba nahiyisi kirti ibadetxanisidiki rahiblarni küshkürtüp, ularning özige ot qoyushigha qutratquluq qilghan, dep eyiblidi. Bu yil 4 - aydin bashlap sichüenning aba nahiyisidiki kirti qatarliq ibadetxanilarda turushluq tibet rahib we rahibeliridin on nechche kishi ilgiri kéyin bolup, özini köydürüsh arqiliq xitay hökümitining tibet siyasitige naraziliq bildürgen.
Muxbirimiz erkin
2011-11-25
Share

Xitay hökümiti ilgiri bu weqelerni chet'eldiki tibet "Bölgünchi" küchlirining pilanlighanliqini ilgiri sürgen idi. "Xelq géziti" jüme küni aba nahiyisidiki diniy ishlargha mes'ul bir hökümet emeldarining sözini neqil keltürüp, 1959 - yili kirti ibadetxanisidin hindistan'gha qéchip ketken yuqiri derijilik bir lamaning rahiblarni özini köydürüshke qutratqanliqini ilgiri sürgen.

Bu emeldar lamaning ismini tilgha almighan bolsimu, biraq közetküchiler bu lamaning kirti rénpochi ikenliki, eyni chaghda kirti ibadetxanisining bash lamasi bolghan rénpochining dalay lama bilen hindistan'gha qéchip barghanliqini bildürdi. Béyjing hökümiti ilgiri dalay lamaning özini köydürüsh weqelirige tutqan pozitsiyisini eyiblep, uning sözi "Térrorluqni perdazligenlik" dep tenqid qilghan. Dalay lama özini köydürüshni "Jasaretlik" heriket dégen bolsimu, biraq bu xil naraziliq sheklining oynaydighan roligha guman bilen qaraydighanliqini bildürgen idi. Kirti rénpochi bu ayning bashliri amérika dölet mejlisining bir komitétida guwahliq bérip, tibet xelqi yashawatqan nöwettiki weziyet "Bashqa herqandaq bir elde a'ile nezerbendi" hésablinidighanliqini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet