Kishilik hoquqni közitish teshkilati: xitayning yéngi tor belgilimisi kishilik bixeterlik we shexsi mexpiyetlikke tehdit

Mezkur teshkilatning ilgiri sürüshiche, xitay hökümitining torni kontrol qilishni ilgirilep kücheytip, tor qollan'ghuchilarning torgha tizimgha aldurghanda heqiqiy ismini ishlitishni telep qilishi, kishilerning bixeterliki we shexsi mexpiyetlikige tehdit peyda qilidu.

Mezkur belgilimide tor qollan'ghuchilarning mulazimétir shirketlerni heqiqiy ismi we bashqa jehettiki uchurlar bilen teminlishi telep qilin'ghan. Kishilik hoquqni közitish teshkilatining tetqiqatchisi séntiye wang mezkur belgilimini tenqidlep: bu yéngi belgilime xitay tor qollan'ghuchilirigha qattiq bir signal berdi.

Hökümetning bu qarari tenqidchilerni jimiqturush, tor qollan'ghuchilarni tor shirketliri arqiliq közitish we chekleshni meqset qilghan, dep körsetti.

Kishilik hoquqni közitish teshkilatining ilgiri sürüshiche, tor qollan'ghuchilardin heqiqiy ismi bilen tizimgha aldurushni telep qilish, da'irilerning torgha pikir yazghan tenqidchilerni yaki yanfon qollan'ghuchilarni kontrol qilip, xupiyane pikir yazghuchilarni, hökümet emeldarlirining chériklikini pash qilghuchi we shexsi mexpiyetlik hoquqini qoghdighuchilarni cheklep qoyalaydu.

Xitay xelq qurultiyi da'imiy komitéti tor uchurlirini qoghdash toghrisidiki mezkur belgilimini 28‏-dékabir maqullighan.