Хитай 'ғәрбниң көмүрини шәрққә тошуш' пиланини җиддий әмәлгә ашурмақта

Сүрәттә, уйғур елидин ичкири өлкиләргә пойиз вагунлири билән тошулуп кетиливатқан кумур байлиқи.

Бу санлиқ мәлуматни қумул вилайәтлик көмүрчилик санаитини башқуруш идариси тәминлигән.

Шинхуаниң мәзкур хәвиридә көрситилишичә, қумул вилайитидики көмүр записиниң омумий миқдариниң 570 милярд тонна икәнлики пәрәз қилинған болуп, бу пүтүн хитайдики көмүр записиниң 12.5% Ни тәшкил қилидикән. Хитай һөкүмити " ғәрбниң көмүрини шәрққә тошуш" нами астида пилан түзүп чиққан болуп, өткән йили 2 - айдин башлап, турпан - қумул ойманлиқи асаслиқ көмүр қезиш базиси қилип бекитилгән һәмдә өткән йилдин етибарән шәндоң, хоңкоң вә башқа җайларниң 30 нәччә чоң ширкәтлири бу җайниң көмүрчилик ишлириға җәлп қилинған.

Қумул вилайити 2010 - йили көмүр қезишни техиму көпәйтип, йиллиқ қезиш мәһсулат миқдарини 32 милйон тонниға йәткүзүш, 2013 - йилиға барғанда, 197 милйон тонниға йәткүзүшни пиланлиған.

Хәвәрдә ейтилишичә, өткән йили йөткәп кетилгән 6 милйон тонна көмүрниң 4 милйон 770 миң тоннидин көпрәки пойиз билән тошулған. Шинҗаң - ләнҗу төмүр йолиниң иккинчи линийә қурулуши пүткәндин кейин әслидики бар линийә пүтүнләй йүк тошуш йолиға өзгәртилидикән.

Хәвәрдә, мәзкур линийиниң уйғур елиниң көмүр қатарлиқ йәр асти байлиқлирини ечиш вә йөткәш үчүн зор дәриҗидә илгирилитиш ролини ойнайдиғанлиқи тәкитләнгән.

Нөвәттә, "ғәрбниң гезини шәрққә йөткәш" пилани үнүмлүк ишләватқан болуп, туруба йоли арқилиқ тарим вадисиниң тәбиий газлири хитайниң ички шәһәр вә өлкилирини тәминлимәктә иди.