ئون نەپەر خىتاي يازغۇچىسى دۇنيا كىشىلىك ھوقۇقنى كۆزىتىش تەشكىلاتىنىڭ مۇكاپاتىغا ئېرىشتى
2011.09.19
مۇكاپاتقا ئېرىشكەنلەر خىتاي ھۆكۈمىتىنىڭ ئىجرائاتلىرىغا قارشى خىتاي ئىچى-سىرتىدا قەلەم كۈرىشى ئېلىپ بېرىۋاتقان شۇنداقلا يەنە كىشىلىك ھوقۇق پائالىيەتلىرىگە ئاكتىپ ھالدا قاتنىشىۋاتقان كىشىلەردۇر. ھېلمان ھاممەت مۇكاپاتى 1989-يىلى تەسىس قىلىنغان بولۇپ، ئاساسلىقى دىكتاتور ھاكىمىيەتلەرگە باش ئەگمىگەن ۋە ئۇنىڭغا قارشى ھەرىكەت ئېلىپ بارغان يازغۇچىلارغا بېرىلىدۇ.
رادىئويىمىزنىڭ بۈگۈنكى بۇ ھەقتىكى خىتايچە خەۋىرىدە بىلدۈرۈشىچە، مەزكۇر مۇكاپات خىتاي ئىچى-سىرتىدىكى ئۆكتىچى يازغۇچىلارغا زور ئىلھام بولغان.
شەندۇڭ ئۇنىۋېرسىتېتىنىڭ پروفېسسورى سۇن ۋېنگۇاڭ مۇخبىرنىڭ زىيارىتىنى قوبۇل قىلىپ مەزكۇر مۇكاپاتنىڭ خىتاي ھۆكۈمىتىگە كۆرسىتىدىغان تەسىرى ئۈستىدە توختالغان.
ئۇ سۆزىدە مۇنداق دېگەن: «ھۆكۈمەت بۇ مۇكاپاتقا بىر بولسا قۇلاق يوپۇرۇۋېلىشى مۇمكىن، يەنە بىر بولسا بۇرۇنقىغا ئوخشاشلا، ئاز ساندىكى جۇڭگوغا قارشى كۈچلەرنىڭ شۇملۇقلىرى دېيىشى مۇمكىن.» سۈن ۋېنگۇاڭ «نېمە بولۇشىدىن قەتئىينەزەر، بۇ مۇكاپات دۇنيا جامائەتچىلىكىنىڭ، خىتايدىكى ئىنسان ھەقلىرى ۋەزىيىتىنى يېقىندىن كۆزىتىپ كېلىۋاتقانلىقىنىڭ بىر ئىپادىسى» دەپ دۇنيا كىشىلىك ھوقۇقنى كۆزىتىش تەشكىلاتىغا مىننەتدارلىقىنى بىلدۈرگەن.
كۆپ كۆرۈلگەن خەۋەرلەر
RFA
- ئۇيغۇر تەشكىلاتلىرى چېخىيە دۆلەت رەئىسىدىن ئىلھام توختى ۋە د ئۇ ق نى نوبېل مۇكاپاتى نامزاتلىقىغا كۆرسىتىشىنى تەلەپ قىلغان
- خىتاي ساقچى دائىرىلىرى ئۇيغۇر ئېلىدە «قىشلىق ئوپېراتسىيە» ھەرىكىتى باشلاپ، چاغان ھارپىسىدىكى بىخەتەرلىككە كاپالەتلىك قىلماقچى بولغان
- ئىنسانىيەت مۆجىزىسى: تۇرپان ئويمانلىقىدىن تېپىلغان دۇنيا بويىچە ئەڭ قەدىمكى ئېگەر
- خىتاينىڭ «ئۇزۇن قولى» بولۇۋاتقان «بىرلىكسەپ بۆلۈمى» ۋە «ئەڭگۈشتەر» نىڭ سۇيىقەستلىرى
- ئەنگلىيەدىكى ساياھەت شىركەت خادىمىنىڭ ئۇيغۇر ئىرقى قىرغىنچىلىقىنى قوللىشى قاتتىق ئەيىبلەشكە ئۇچرىدى