Xitay choshqa zukamidin jiddiy agah bolush halitige ötti

Xitay sehiye ministirliki seyshenbe küni, memliket boyiche choshqa zukamidin agah bolush halitige ötkenlikini élan qildi.
Muxbirimiz gülchéhre
2009.04.28
Share on WhatsApp
Share on WhatsApp

Merkizi axbarat agéntliqining bu heqte bergen xewiride körsitishiche, xitay bash ministiri win jyabaw 28 - april küni xitay chégrisi ichide choshqa zukamidin yuqumlan'ghan yaki yuqumlinish éhtimali bolghanlarni derhal sehiye ministirliqigha doklat qilish hem jiddiy bir terep qilish, yuqum ehwalini ochuq tutush buyruqi chüshürgen we yene xitay sayahet we tamozhna da'irilirige choshqa zukamidin mudapi'elinish jehette jiddiy heriket qollinish agahlandurushi bergen. Xitay sehiye ministirliki 27 - apréldin bashlap méksika we amérikidin choshqa göshi import qilishni toxtatqan idi.

Dunya sehiye teshkilatining ipadilishiche, xitay eng köp choshqa istimal qilidighan dölet bolghandin bashqa, 450 milyon'gha yéqin choshqa béqiliwatqan dölet bolup, xitaydiki choshqilar sani pütün dunyadiki choshqilarning yérimini igileydiken. Shunga gerche hazirgha qeder xitayda birer kishining choshqa zukamidin yuqumlan'ghanliqi we yaki choshqa férmilirida bu xil késellik wirusi bayqalmighan bolsimu,xitayda choshqa zukimining aldini élishta ilgiriki qush zukimi we sars tarqalghandikidinmu téz hem jiddiy mudapi'elinish tedbirlirini élish intayin zörür.

Bügün dunya sehiye teshkilati choshqa zukimining asiya hemde ottura sherqtiki tereqqi qiliwatqan ellergiche taralghanliqini élan qildi hemde sehiye agahlandurush derijisini yene bir derije kötürüp 4 - derijige kötürüshni qarar qildi.Choshqa zukimi yuqum ehwali heqqidiki eng yéngi melumatqa qarighanda, dunya miqyasida yuqumlan'ghanlar 1600 din ashqan,ölgenler 152 yetken bolup, ölgenlerning hemmisi méksikida.

Amérikida yuqumlan'ghanlar 50 ke yetken bolsimu, mezkur wirus sewebidin hayatidin ayrilghanlar körülmidi.

Sehiye teshkilatining élan qilishigha qarighanda, méksika, amérikidin bashqa, hazir kanada, ispaniye, shotlandiye, isra'iliye, yéngi zéllandiye we koriyilermu choshqa zukimi bayqalghan döletler qatarigha kirgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.