Xitay da'irilirining choshqa zukam wirusigha da'ir melumati kishilerde guman qozghidi

Xongkong metbu'atlirining xewer qilishiche, H1N1 tipliq choshqa zukam wirusi xitayning ichki ölkiliride dawamliq kéngiyiwatqan bolsimu, lékin xitay hökümet da'irilirining mezkur wirusning tarqilish ehwaligha da'ir resmiy melumatlirida hichqandaq chong özgirish bolmighan. Bu kishilerde guman qozghimaqtiken.
Muxbirimiz erkin
2009.11.20
Share on WhatsApp
Share on WhatsApp

Xitay sehiye ministirliqi jüme küni élan qilghan bu heqtiki uchurida hazirgha qeder 31 ölke, sheher we aptonom rayondin jem'iy 19 milyon ademge choshqa zukam wirusigha qarshi turush waksinisi emlen'genlikini bildürgen.

Xitay da'irilirining mezkur wirus toghrisidiki resmiy melumatlirida eskertishiche, choshqa zukamida yuqumlan'ghanlarning sani 70 ming bolup, 53 adem ölgen.

Xongkong metbu'atlirining bu heqtiki xewerliride jonggo qurulush akadimiyisining akadimiki tibbiy penler mutexessisi jung nenshenning yéqinda xitay sehiye da'irilirini tenqidlep, " hökümet élan qilghan choshqa zukamigha da'ir uchurlar pütünley ishenchsiz" dégenlikini bildürgen.

Xitay sehiye ministirliqi aldinqi küni yerlik da'irilerni agahlandurup, jaylarni késellik ehwaligha da'ir uchurlarni yoshurmasliqqa, yalghan melumat bermeslikke chaqirip, xilapliq qilghuchilarning qanuni mes'uliyiti sürüshtürülidighanliqini élan qilghan idi.

Xongkong metbu'atlirining eskertishiche, 7 milyon nopusi bar xongkongda hazirgha qeder 40 adem choshqa zukam wirusida ölgen. Bir milyard 300 milyon nopusi bar xitay chong quruqluqida hazirgha qeder 53 ademning choshqa zukam wirusida ölgenliki eqilge sighmaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.