Xitayda qolgha élin'ghan qudretlik ilahning xristi'anliri teshkilatining ezasi 1300 ge yetti

Bügün 21-dékabir maya kaléndarining axirlashqan küni shundaqla xelq arisida tarqalghan “Qiyamet qayim” riwayitidiki “2012-Yili 21-dékabir zaman axiri bashlinidu” déyilgen kün.
Muxbirimiz méhriban
2012.12.21

Xelq'ara metbu'atlarda bu kün'ge qarita herqaysi döletlerdiki puqralarning oxshimighan inkasliri we en'gliye qatarliq jaylarda “Qishliq kün-tün toxtash küni” xatirilen'genliki xewer qilindi. Halbuki, diniy qarash we diniy pa'aliyetler eng qattiq chekliniwatqan xitayda puqralar arisidiki “Qiyamet qayim wehimisi” xitay hökümet da'irilirini ensizlikke salghan.

Mushu bir hepte ichide xitayda “Zaman axiri wehimisi” tarqitip, jem'iyette qalaymiqanchiliq chiqarghan dégen bahanide qudretlik ilahning xristi'anliri namidiki teshkilat ezaliridin 1300 kishi qolgha élin'ghan bolup, xitaydiki ammiwi tor béketliride mushu bir ay ichide xitay puqraliri arisida zaman axiri wehimisi ewj alghanliqi, “Zaman axiri wehimisi” tarqatti dégen bahanide tutqun qilin'ghanlar sanining nechche minggha yetkenliki ilgiri sürüldi.

Melum bolushiche, ular tarqatqan teshwiq wereqiliride kommunizmgha qarshi turush, parixor emeldarlargha qarshi turushqa oxshash chaqiriqlarnimu otturigha qoyghan. Bu ehwal xitay hökümitini ensiretken bolup, ötken heptidin bashlap xitay da'iriliri bu teriqet ezalirini “Pitne-pasat tarqitip, jem'iyet amanliqini buzdi, axirqi zaman sepsetisi bilen kishilerni aldam xaltisigha chüshürüshke urundi” dep eyiblep, qolgha élishqa bashlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.