Xitayda organ köchürüsh opiratsiyiside mehbuslar organliri asasliq menbe qilinmaqta

B b s ning bayan qilishiche, xitayda ölüm jazasigha höküm qilin'ghan mehbuslarning beden organliri, doxtorxanilarda organ köchürüsh opiratsiyisining asasliq menbesi qilinip kelmekte.
Muxbirimiz weli
2009-08-26
Share

Xewerde bayan qilinishiche, xitayning mu'awén sehiye ministiri xu'ang jifu xitayda 'i'ane qildi' déyilgen adem organlirining 65% i ölüm jazasigha höküm qilin'ghan mehbuslarning beden organliri ikenlikini ashkarilighan.

Uning éytishiche, eslide ölüm jazasigha höküm qilin'ghan mehbuslarning beden organliri doxtorxanilardiki organ köchürüsh opiratsiyisining asasliq menbesi qilinmasliqi, mehbuslarning hoquqigha hürmet qilinishi, ularning organlirini parchilap élish, peqet hökümni ijra qilishtin burun imzalan'ghan qanuniy kélishim buyiche bolushi lazim idi.

Shangxeydiki xu'asen doxtorxanisi organ köchürüsh bölümining mudiri chen jenminning bayan qilishiche, bu doxtorxanida 2003‏ - yilidin hazirgha qeder, ölüm jazasi bérilgen 130 mehbusning her xil organliri 500 neper bimargha köchürülüp bolghan.

Mehbuslarning organlirini köchürüshte héchqandaq qanuniy resmiyet bolmighan, belki mehbuslarning organliri xalighanche parchilap élin'ghan, hetta bu jeryanda shexsiyler köp payda qazan'ghan.

'Gu'angju géziti' de bayan qilinishiche, xitayda 'organ i'ane qilish' jehette héchqandaq qanuniy resmiyet yoq bolupla qalmay, belki 'i'ane qilindi' déyilgen yürek, öpke, böreklerning israp qilinish hadisiliri intayin éghir.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet