Җәнубий хитайниң бир қисим җайлири ямғур апитигә учрап 65 адәм өлгән

Хитайниң мунасивәтлик органлири тарқатқан учурларға қариғанда, хитайниң сичүән вә җяңши қатарлиқ өлкилири ямғур апитигә учрап 65 адәм өлгән вә 14 адәм йоқап кәткән.
Мухбиримиз җумә
2010-05-08
Share

Хитай дөләтлик кәлкүндин мудапиә көрүш вә қурғақчилиққа тақабил туруш баш қоманданлиқ штаби тарқатқан учурда ашкарилинишичә, 5 - майдин башлап хитайниң сичүән, чуңчиң, гуйҗу, җяңши вә гуаңдуң қатарлиқ өлкилири ямғур вә мөлдүрниң туюқсиз һуҗумиға учриған. Нәтиҗидә 2 милйон 550 миң адәм апәтниң тәсиригә учриған.

Мәлум болушичә, апәт чуңчиңда бир қәдәр еғир болған болуп, өлгән адәм 31 гә, йоқап кәткән адәм 1 гә йәткән. Чуңчиң һөкүмити 85 миң адәмни башқа җайларға йөткигән.

Юқириқи районларда кәлкүн апити йүз берипла қалмай бәзи су амбарлирида су йүзи өрләп кетиш яки су тешип кетиш һадисилириму көрүлүшкә башлиған.

Шинхуа агентлиқида көрситишичә, йәрлик һаварайи идарилири җяңши, хунән қатарлиқ районларда йәнә нәччә күн ямғур яғидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт