Шәрқи түркистан маарип вә һәмкарлиқ җәмийити хитайниң әйиблимисигә инкас қайтурди

Хитай мәтбуатлири шәрқи түркистан ислам һәрикити тәшкилати вә шәрқи түркистан маарип вә һәмкарлиқ җәмийити әзалириниң сүрийидики өктичиләргә қетилип, бәшар әсад һөкүмитигә қарши җәң қиливатқанлиқи вә буларниң җәңгә қетилишта әлқаидә тәшкилатидин тәлим алғанлиқи һәққидә учур тарқатқандин кейин, шәрқи түркистан маарип вә һәмкарлиқ тәшкилатиниң рәиси түнүгүн радиомизда пикир баян қилип, хитайниң мәзкур учурлириниң тоғрилиқини инкар қилған иди.

2011-10-30
Share

Бүгүн мәзкур тәшкилат өз тор бетидә мәхсус бир баянат елан қилип, хитайниң мәзкур темидики әйиблимисигә инкас қайтурди. Тәшкилат баянатида, уйғур тәшкилатлириниң ғайисиниң ана вәтини шәрқи түркистанни хитай мустәмликисидин қутулдуруш икәнликини, шуңа бу тәшкилат әзалириниң башқа дөләт яки гуруппиларға қарши урушларға қатнишишиниң мумкинсизликини оттуриға қойди. Баянат ахирида мәзкур тәшкилатниң түркийидә қанунлуқ тизимлитилған бир тәшкилат икәнлики әскәртилип, бу тәшкилат әзалириниң түркийә пуқраси болуш салаһийити билән сүрийә мәсилисидә, түркийидики 75 милйон хәлқ билән бир мәйданда икәнлики тәкитләнди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт