Японийә һава қошунлириниң хитайға қаритилған мудапиәси ашурулған

Б б с агентлиқиниң хәвиридин мәлум болушичә, японийә һава қошунлириниң хитайға қаритилған мудапиәси өткән йили ашурулған. японийиниң деңиз мудапиә оргининиң санлиқ мәлуматида өткән йили 4 - айдин 12 - айғичә болған арилиқта японийә күрәшчи айропланлири чәтәл күрәшчи айропиланлири вә һәрбий парахотлириниң японийә деңиз тәвәсигә киришидин мудапиә көрүш йүзисидин 335 қетим җиддий түрдә учуш елип барған болуп, бу алдинқи йилдикидин үч һәссә көпәйгән һәмдә буниң хитайға қаритилиши көп болған.
Мухбиримиз үмидвар
2012-01-22
Share

Б б с агентлиқиниң йезишичә, японийә айропланлириниң русийигә қаритилған мудапиә сәвәбидин учуш нисбити асасий салмақни игилигән болсиму, бирақ хитайға қаритилған мудапиә сәвәбидин учуш нисбитиму көпәйгән. японийә деңиз мудапиә оргини хитай айропланлири вә һәрбий парахотлириниң шәрқий деңизни мәркәз қилип, японийә әтрапидики һәрикәтлириниң күчәйгәнлики, сенкакко араллири районида разветка һәрикәтлирини елип барғанлиқи, японийиниң хитайниң һәрбий һәрикәт йөнилишигә көңүл бөлүши вә һушярлиқни ашуруши зөрүрликини көрсәткән.

Сенкако араллириниң игилик һоқуқи мәсилиси узундин буян хитай билән японийә арисида талаш - тартиш пәйда қилип кәлгән болуп, хитай тәрәп бу аралларниң өзигә тәвә икәнликини тәкитлимәктә, әмма японийә буниңға қарши.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт