Япон парламент әзалири: хитай парахотлири япон парахотини қәстән соққан

Бүгүн японийә парламентида хитай белиқчи кемиси билән японийә деңиз қоғдиғучи кемисиниң сенкаку арилида соқулуп кетиш вәқәсигә даир синалғу лентиси көрситилгән. япон даирилири лентидики көрүнүшләрдин хитай кемисиниң япон кемисини қәстән соққанлиқини интайин рошән көрүвалғили болидиғанлиқини ейтқан.
Мухбиримиз ирадә
2010-11-01
Share

Франсийә агентлиқиниң хәвәр қилишичә, 7 минут узунлуқтики синалғу лентисини көргән японийә парламент әзалири хитай кемисиниң наһайити тез сүрәттә келип, японийә кемисини қәстән соққанлиқини, японийиниң буниңға қарши алған тәдбирлириниң интайин орунлуқ болғанлиқини билдүргән. Бәзи япон дипломатлар хитай кемисиниң интайин яман ғәрәзлик икәнликини ейтқан.

Игилинишичә, бу синалғу лентиси хәлққә ашкариланмиған болуп, буниңдики сәвәб синалғу лентисини көргән япон хәлқиниң ғәзәп пилтисиға ут тутушуп кетишиниң алдини елиш икән. Әмма японийә хәлқи арисида синалғу лентисидики мәзмунларни әйнән елан қилиш һәққидә күчлүк тәләп оттуриға чиқиватқан болуп, бу һәқтә япон мәтбуатлирида муназирә қозғалған.

Мәзкур кемә соқулуш вәқәси 7 - сентәбир йүз бәргән иди. Вәқәдә хитайниң бир белиқчи кемиси японийә деңиз мудапиә чарлаш парахотиға икки қетим соқулған, нәтиҗидә японийә деңиз мудапиә хадимлири хитай кемисиниң капитанини қолға алған иди. Мәзкур вәқә японийә- хитай мунасивәтлирини йирикләштүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт