Японийидә йәр тәврәш апитиниң бир йиллиқи хатириләнди

11 - Март күни японийидә йүзбәргән зор йәр тәврәш вәқәсиниң бир йиллиқи мунасивити билән японийә һөкүмити пүтүн мәмликәт характерлиқ хатириләш паалийәтлири өткүзди.
Мухбиримиз үмидвар
2012-03-11
Share

японийә һөкүмити йәкшәнбә күни зор көләмдики тәзийә билдүрүш шәкли билән вәқәни өлгәнләрни хатирилиди. Франсийә агентлиқиниң йезишичә, йәкшәнбә күни токйо шәһиридики дөләтлик чоң тиятирда тәзийә билдүрүш мурасими өткүзүлгән шуниңдәк саәт 2дин 46 минут өткәндә, йәни, бир йил игилири йәр тәвригән пәйттә, пүтүн японийә хәлқиниң бир минут сүкүттә туруши бәлгиләнди.

Токйодики мәзкур мурасимға японийә хан җәмәти қатарлиқ дөләтниң юқири дәриҗилик рәһбәрлири қатнашқан.

Өткән йилидики йәр тәврәштин келип чиққан су апити вә башқа һадисиләрдә 19 миң адәмниң өлгәнлики вә из - дерәксиз йоқилип кәткәнлики мәлум болған. Фукушимадики атом електир истансиси кәлтүрүп чиқарған радиатсийә тәсири японийә җәмийитигә күчлүк зәрбә болған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт