Явропа-америка қисимлириниң һава һуҗуми казафийниң мудапиә күчлирини үнүмлүк пачақлиди

Б б с ниң баян қилишичә, б д т ниң ливийидә учушқа болмайдиған район бәлгиләш қарарини иҗра қилиш үчүн йәкшәнбә күни елип берилған һәрбий һәрикәткә явропа, америка қисимлириниң 19 һуҗумчи айропилани қатнашти. Буниң ичидә 2 си б-2 бәлгилик муспи бомбардиманчи.
Мухбиримиз вәли
2011-03-21
Share

Әрәб бирликиниң әзаси болған қатарму бу һәрикәткә 4 бомбардиманчи әвәтти. Бу қетимқи һәрбий һәрикәттә явропа-америка қисимлири казафийниң һава мудапиә күчлиригә үнүмлүк зәрбә бәрди.

Франсийә агентлиқиниң баян қилишичә, казафийға қарши қозғилаңчилар, ғәрб дөләтлириниң түнүгүнки һава һуҗумида казафийниң бәнғазидики бир нәччә он танка-бронивиклири пачақланғанлиқиға тәнтәнә қилди.

Бирләшмә агентлиқиниң баян қилишичә, ливийидә учушқа болмайдиған район бәлгиләш һәққидә б д т қарар мақуллиғанда аваз бериштин ваз кәчкән хитай бүгүн, ғәрб дөләтлирини, ливийигә һуҗум қилип хәлқара қанунға хилаплиқ қилди, дәп әйибләп оттуриға чиқти. Шундақла уни, америка йетәкчиликидики ирақ вә афғанистан ишғалийитиниң давами дәп җакарлиди.

Әмма, хитайниң баянатидин кейинла, әрәб бирликиниң баш катипи муса баянат елан қилип, б д т ниң казафийға һәрбий һәрикәт қоллиниш тоғрисидики қарариға һөрмәт қилидиғанлиқини җакарлиди. Тәһлил қилинишичә, хитай һазир ливийә мәсилисидә америка билән биваситә сөһбәтлишидиған чоң дөләт болувалмақчи.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт