Хитайда юқумлуқ кесәлләрниң тезликтә тарқилиши хәлқара сәһийә комитетини әнсирәтмәктә

Б д т ниң хәлқара сәһийә комитети 2011-йил йеңи йил һарписида доклат елан қилип, қуш зукими, сарс қатарлиқ алдини елиш тәс болған юқумлуқ кесәлликләрниң хитайда тарқилиши зиядә тез болуш әһвалидин әндишә қиливатқанлиқини билдүргән.
Мухбиримиз меһрибан
2011-01-06
Share

Доклатта дейилишичә, 2003-йили хитайда сарс кесили тарқилип дуняда вәһимә пәйда қилғандин буян, хитайда тез тарқилишчан юқумлуқ кесәлләргә қарита алдини елиш хизмити ишлинип кәлгән болсиму, әмма хитайда сарс кесили, қуш зукими қатарлиқ кесәлләрниң тарқилиш йоллири йетәрлик контрол қилинмиған.

Доклатта 1 милярд 300 милйон нопусқа игә болған хитайда, әгәр бу хил хәлқ арисида тарқилиш сүрити тез һәм омумйүзлүк болған юқумлуқ кесәлликләрниң алдини елиш хизмити яхши ишләнмисә, буниң дуня хәлқиниң сағламлиқи үчүн бир чоң тәһдит болидиғанлиқи баян қилинип, хитай сәһийә министирлиқидин хитайда юқумлуқ кесәлликләрниң тарқилиш йоллирини контрол қилиш һәм бу кесәлләргә қарши ваксина әмләш хизмитини чиң тутуш тәләп қилинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт