Тиктак топ дипломатийисиниң асасчиси җуаң зедоң вапат болди

Америка билән хитайниң дипломатик мунасивәт орнитишиниң ишикини ачқан“ тиктак топ дипломатийиси”ни пәйда қилған хитай тиктак топ маһири җуаң зедоң 73 йешида бейҗиңда вапат болди.
Мухбиримиз үмидвар
2013.02.10
Share on WhatsApp
Share on WhatsApp


Әнглийә б б с агентлиқиниң хәвәр қилишичә, хитайниң чаған байрими мәзгилидә узун мәзгиллик еғир кесәлдин сақиялмай вапат болған җуаң зедоң соғуқ мунасивәтләр уруши тарихидин орун алған тәнһәрикәтчи иди.

Җуаң зедоң 1971 - йили, японийидә америка маһири билән тиктак топ мусабиқисиға чүшкәндин кейин, униңға совға тәқдим қилиш билән мав зедоң америка тиктактоп өмикини хитайға тәклип қилған. Бу һәрикәт, америка - хитай мунасивитиниң ишикини ачқан болуп, арқидинла кисигингәр бейҗиңни зиярәт қилған, 1972 - йили болса, президент никсон бейҗиңға кәлгән.

Америка билән хитай арисидики мәзкур дипломатийә хәлқарада тиктактоп дипломатийиси дәп нам алған. Мав зедоң җуаң зедоңни махтап, “ җуаң зедоң яхши тиктак топчила әмәс, бәлки яхши дипломат икән” дегән икән.

Җуаң зедоң җаң чиңниң әтиварлишиға еришкән, кейин чәткә қеқилип, вәзипилиридин қалдуриветилип узун мәзгил азап чәккән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.