28 ‏- Yanwar shayar toqunushi

Shayar nahiyisining shayar baziridiki bir éléktronluq oyunchuqxanida, 28 ‏ - yanwar küni kechte Uyghur yashliri bilen xitaylar arisida toqunush chiqqan.
Muxbirimiz shöhret hoshur
2009-01-30
Élxet
Pikir
Share
Print
Shendung uniwérsitétida oquwatqan bir nechche Uyghur oqughuchilarning, chingdaw shehiridiki melum xitay saqchi da'iriliri teripidin qattiq urulup arqidin tutqun qilin'ghan körünüsh.
Shendung uniwérsitétida oquwatqan bir nechche Uyghur oqughuchilarning, chingdaw shehiridiki melum xitay saqchi da'iriliri teripidin qattiq urulup arqidin tutqun qilin'ghan körünüsh.
Süret boxun.com Tor bétidin élindi. Neshriyat hoquqi boxun.com Ning.

Toqunushta, 3 neper Uyghur yash, oyunchuqxanining xitay sahibi we uning dostliri teripidin qattiq urup yarilandurulghan, bir nepiri öltürüwétilgen. Weqege shahid bolghan Uyghurlar naraziliq bildürüp, éléktronluq oyunchuqxanini qorshiwélip saqchilar we weqe tughdurghuchilargha naraziliq bildürgen.

Bu weqe heqqide qisqa xewer bergen bir Uyghur tor béti, shu küni shayarda birnechche yüz kishilik namayish bolghanliqini bildürgen idi. Biz ehwal igilep saqchi da'irilirige téléfon qilghinimizda, deslepte ular weqening yüz bergenlikini ret qildi.

Arqidin nahiyilik saqchi idarisigha téléfon qilghinimizda, weqening yüz bergenlikini, emma hazirche ashkarilashqa bolmaydighanliqini bildürdi. Nahiyilik soda - sana'et memuri bashqurush idarisidiki bir xadim weqening yüz bergenlikini, idare rehberlirining weqeni dawamliq éniqlawatqanliqini bildürdi.

Shayar nahiyilik doxturxanining jiddiy qutquzush bölümige téléfon qilghinimizda, yaridarlardin birining sirajidin isimlik yash ikenliki, hazir éghir derijide yaridar ikenliki melum boldi. Yaridargha qarawatqan bir Uyghur weqede ölgüchidin xewiri yoqluqini bildürdi.

Intérnétte tarqalghan xewerlerde saqchilarning, weqege naraziliq bildürgen Uyghurlarni tutqun qilghanliqini, emma weqe tughdurghan xitaylarni tutmighanliqini bildürgen idi؛ bu ehwal bir saqchining sözliridinmu melum boldi.

Yaridargha qarawatqan kishi weqe tughdurghan xitaylarningmu hem Uyghurlarningmu tutulghanliqini we soraq qiliniwatqanliqini bildürdi.

Hörmetlik oqurmenler, weqening tepsilati heqqide dawamliq melumat bérishke tirishimiz.


Toluq bet