Тибәт тәшкилатлири олимпик күни бейҗиңда намайиш қилидиғанлиқини елан қилди

Америкидики тибәт тәшкилатлири олимпик мәзгилидә бейҗиңда намайиш өткүзүп, хитай даирилириниң тибәттики бесимиға өз наразилиқини ипадилимәкчи болуватқанлиқини елан қилди.
Мухбиримиз әркин хәвири
2008.08.01

 Мәркизи ню йорктики әркин тибәт оқуғучилар һәрикитиниң җүмә күни ашкарилишичә, улар олимпик күни бейҗиңда "һәйран қаларлиқ" сандики тәнтәрбийичи вә олимпик қатнашқучилири тор чақириқиға инкас қайтуруп, тибәтни қоллайдиғанлиқини намайән қилидикән.

Бу учурни әркин тибәт оқуғучилар һәрикитиниң рәһбири ладон тетоң җүмә күни ройтерс агентлиқиға елан қилған баянатида ашкарилиди. Лекин шу күни тибәт аптоном райониниң партком секритари җаң чиңли " тибәттики қисимларниң җиддий вәқәләргә тәйяр туруш, дөләт мудапиә бихәтәрлики вә районниң тинч тәрәққиятини қоғдаш"ни тәкитлигән.

Әркин тибәт оқуғучилар һәрикитидики ладон тетоң, хитай даирилириниң олимпикни қоллинип, " тибәттики ишғалийитини қанунлаштурмақчи" болуватқанлиқини илгири сүргән.

 Америкидики уйғур вә тибәт тәшкилатлири шундақла дуняниң башқа җайлиридики тибәтләр 8 ‏ - айниң 7 - күни йәни олимпик йиғини ечилишниң һарпа күни америкиниң вашингтон қатарлиқ шәһәрлиридә хитайға қарши намайиш өткүзүшни пиланлимақта. Лекин ладон тетоң, бихәтәрлик түпәйли бейҗиңда өткүзмәкчи болған намайишниң тәпсилатини елан қилмиди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.