Dalay lama alahide elchi dobri'anisky bilen michigan uniwérsitétida uchrashti

Hazir amérikida ziyarette boluwatqan tibetlerning rohaniy dahiysi dalay lama, tibette yüz bergen xitay hökümitige qarshi namayishlar we tibetler bilen hökümet arisidiki toqunushlarni hel qilish ishlirida tibet xelqining amérika hökümitining arilishishigha mohtaj ikenlikini bildürgen.
Muxbirimiz jüme xewiri
2008.04.21

 Birleshme agéntliqida xewer qilinishiche, dalay lama amérika hökümitining tibet mesilisidiki alahide elchisi we mu'awin tashqi ishlar ministiri pa'ula dobri'anisky bilen michigan uniwérsitétida körüshkende " biz silerning yardiminglargha mohtaj" dégen.

Dobri'anisky, mezkur uchrishishning tibet mesilisi söhbitini muhim purset bilen teminleydighanliqini bildürgen hemde amérika hökümitining tibetning yéqinqi weziyitige köngül bolup kéliwatqanliqini , bolupmu prézidént bushning xitay hökümitining bu mesililer üstide dalay lama bilen söhbet ötküzüshi kéreklikini izchil qollap kéliwatqanliqini bildürgen.

Dalay lama yekshenbe küni michgan uniwérsitétida nutuq sözligen hemde pa'ula dobri'anisky bilen yépiq halette söhbet élip barghan.

Dalay lama mushu seyshenbe küni nyuyork shehirige kélip hamilton'gha jaylashqan kolgeyt uniwérsitétida nutuq sözleydu we peyshenbe küni hindistandiki tibetlerning sürgündiki hökümiti jaylashqan daramsalagha qaytidu.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.