Dalay lama olimpik peytide fransiyide ziyarette bolmaqchi

Amérika birleshme agéntliqi charshenbe küni, fransiye parlamént ezasi Louis Broissia lo'is bro'issi'aning sözini neqil keltürüp, kéler ay béyjingda olimpik murasimi ötküzülüwatqan peytlerde, bir qisim fransiye parlamént ezalirining dalay lama bilen uchrishidighanliqini bildürdi.
Muxbirimiz eqide xewiri
2008-07-31
Share

 Dalay lama, 12 ‏ - awghusttin 23 ‏ - awghustqiche fransiyige qaratqan 10 künlük ziyaritini bashlaydiken. Louis Broissia Ning ashkarilishiche, dalay lama fransiyidiki ziyariti dawamida fransiye dölet mejlisidiki tibet mesilisi komitéti bilen " yépiq shekilde " söhbet ötküzidiken.

Xewerde, fransiye prézidénti sarkoziyning dalay lama bilen uchrishish éhtimalliqining barliqi tekitlen'gen bolup, biraq xitay terepning bu xil éhtimalliqtin narazi bolidighanliqi alliqachan ashkarilan'ghan. Bu arida roytérs agéntliqi bilen fransiye agéntliqi olimpik mezgilide xitay hökümitining tibetni qattiq kontrol astigha alidighanliqini bildürdi.

Közetküchiler, dalayning olimpik jeryanida fransiyige ziyaretke teklip qilinishi, bolupmu yuqiri derijilik dölet erbabliri bilen uchriship söhbette bolushi, fransiye hökümiti we xelqining olimpik harpisida xitaygha bergen jiddiy bir signali déyishmekte.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet