Тибәтләрниң, хитай өлкилиридики наразилиқ һәрикити давамлашмақта

Хитай һөкүмити тәрипидин елинған қаттиқ бихәтәрлик тәдбирлиригә қаримай, тибәтләрниң, тибәттә вә хитайниң тибәтләр бир қәдәр зич олтурақлашқан өлкилиридә, бейҗиң һөкүмитигә қарши елип бериватқан наразилиқ һәрикәтлири, давамлишиватиду.
Мухбиримиз өмәр қанат хәвири
2008.04.19

 Пәйшәнбә күни, хитайниң чиңхәй өлкисиниң тоңгрен наһийисидә, көпинчиси буддист раһиблардин тәшкил тапқан йүзлигән тибәтлик наразилиқ намайиши өткүзүп, хитай һөкүмитидин, йеқинда хитай сақчилири тәрипидин қолға елинған бир тибәтлик буддист раһибни, қоюп беришини тәләп қилған.

Чәтәлләрдә паалийәт елип бериватқан тибәт тәшкилатлириниң хәвәр қилишичә, хитай даирилири, тибәтләрниң бу наразилиқ һәрикитини қаттиқ қоллуқ билән бастурған һәмдә онлиған тибәтлик намайишчи, хитай сақчилири тәрипидин тутқун қилинған. Бу наразилиқ һәрикитидин кейин, хитай даирилири тоңгрен наһийисидә һәрбий һаләт елан қилған.
Хәвәрдә ейтилишичә, тоңгрен наһийисидә хитай сақчилири көзлиригә чилиққанла тибәтликниң кимликини тәкшүрүп, уларни уруп, тутқун қилмақта.

Мәркизи һиндистанниң дарамсала шәһиридики тибәт сәргәрдан һөкүмити, җүмә күни, хитай даирилирини, тибәттә сахта намайиш уюштуруш вә тибәтлик намайишчиларниң арисиға тибәтчә кийингән хитай сақчилирини киргүзүш билән әйибләп, сахта намайишчиларниң уруп-чеқиш һәрикитини, өзиниң тибәттики бастуруш һәрикитини қанунлаштурушниң баһаниси сүпитидә қолланмақта дәп, әйиблигән иди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.