"زوراۋانسىز ۋاسىتىلەرنى ئىشقا سېلىش تەلىماتى كارغا كەلمىدى" دېگۈچى تىبەتلىكلەر كۆپەيمەكتە

ھازىر ياۋروپادا زىيارەتتە بولۇۋاتقان تىبەتلەرنىڭ روھانىي داھىيسى دالاي لاما، خىتاي تەرەپنىڭ دالاي لاما بىلەن تىبەتنىڭ كەلگۈسى ئۈستىدە تۈزۈلىدىغان كېلىشىملەر ئۈستىدە سۆھبەت ئۆتكۈزۈشنى داۋاملىق رەت قىلىپ كەلگەنلىكى سەۋەبىدىن تىبەت خەلقىنىڭ ئۆزىنىڭ بۇ خىلدىكى سۆھبەتلەردە "كېلىشتۈرگۈچىلىك" رولىغا نىسبەتەن ئىشەنچىنى يوقىتىشقا باشلىغانلىقىنى بىلدۈرگەن بولۇپ، رويتېرس ئاگېنتلىقىدا نەقىل ئېلىپ كۆرسىتىشىچە، دالاي لاما يەنە، بۇ ئىشتا ئۆز مۇرتلىرىنى بارغانچە باشقۇرالماي قېلىۋاتقانلىقىنىمۇ ئېتىراپ قىلغان.
مۇخبىرىمىز جۈمە خەۋىرى
2008-05-26
Share

 دالاي لاما ئەگەشكۈچىلىرىنى باشقۇرۇش ھەققىدىكى سوئاللارغا جاۋاب بېرىپ، ئۆزىنىڭ خىتاي تەرەپ بىلەن ئېلىپ بارغان سۆھبەتلەردە كونكرېتنى نەتىجىلەرنى ۋۇجۇدقا چىقىرىشتا مەغلۇبىيەتكە ئۇچرىشى بىلەن، تەبىئىي ھالدا ئەگەشكۈچىلىرى ئارىسىدا ھەر خىل پىكىرلەرنىڭ مەيدانغا كەلگەنلىكىنى كۆرسەتكەن.

دالاي لاما بىلەن تىبەت مەسىلىسى ئۈستىدە ئېلىپ بېرىلغان سۆھبەت پۇل - مۇئامىلە ۋاقىت گېزىتىگە بېسىلغان بولۇپ، سۆھبەت جەريانىدا ئۇ ئولىمپىكنىڭ خىتاي بىلەن تىبەت مەسىلىسى دىئالوگى ئېلىپ بارىدىغان ياخشى پۇرسەت ئىكەنلىكىنى، ئەمما خىتاينىڭ سۆھبەت ئۆتكۈزۈشتىكى ئىنتىلىشلىرىدىن گۇمان قىلىدىغانلىقىنى ئوتتۇرىغا قويغان.

دالاي لاما يەنە، تىبەت مەسىلىسىنى تىنچ يول بىلەن، سۆھبەت شەكلىدە ھەل قىلىشتا چىڭ تۇرىدىغانلىقىنى، ئەمما ئۇ ئەزەلدىن تەكىتلەپ كېلىۋاتقان "زوراۋانسىز ۋاسىتىلەرنى ئىشقا سېلىش تەلىماتى كارغا كەلمىدى" دەپ قارايدىغان تىبەتلەرنىڭمۇ ئىنتايىن نۇرغۇن ئىكەنلىكىنى ئەسكەرتكەن.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت