Xitay bilen sürgündiki tibet hökümitining söhbiti béyjingda bashlandi

Dalay lamaning wekilliri mushu seyshenbe künidin bashlap xitay terep bilen tibet mesiliside söhbet élip baridighan bolup, sürgündiki tibet hökümitining ashkarilishiche, bu nöwetlik söhbet béyjingda élip bérilip ikki kün dawam étidiken.
Muxbirimiz jüme xewiri
2008-06-30
Élxet
Pikir
Share
Print

 Mezkur söhbetke tibet tereptin lodi gyari we kélsang gyaltsenler qatnishidighan bolup, tibet sürgündiki hökümiti bash ministiri samdhong rinpoché bu nöwetlik söhbetning 2002 - yili bashlan'ghan tibet - xitay di'alogining dawami ikenlikini bildürgen.

Birleshme agéntliqining tibet sürgündiki hökümitining bayanatidin neqil élip körsitishiche, dalay lama wekillirini tibet xelqi öz wetinide yoluquwatqan qiyinchiliqlarni yaxshilash jehette körünerlik ilgirilesh hasil qilish üchün barliq tirishchanliqlarni körsitishke chaqirghan.

Dalay lama wekillirining xitaygha söhbetke kélidighanliqi xitayning hökümet radi'o we gézitliridimu xewer qilin'ghan bolup, shinxu'a axbaratida hökümet höjjetliridin neqil élip xewer qilishiche, xitay hökümiti dalay lama bilen élip bérilidighan söhbetlerge öz ishikining da'im ochuq ikenlikini ilgiri sürgen hemde dalay lama terepning xitay merkizi hökümitining teleplirige ijabiy inkas qayturushini ümid qilidighanliqini bildürgen.

Düshenbe küni xitay ziyaritini ayaghlashturghan amérika tashqi ishlar ministiri kondaliza raysmu xitay terepni dalay lamaning wekilliri bilen söhbet ötküzüshke righbetlendürgen idi.
Toluq bet