Tibet - xitay söhbiti tibet sergerdan hökümitining tashqi ishlar minstirigha ilham bexsh ételmidi

Tibet sergerdan hökümitining tashqi ishlar ministiri késang yangké takla peyshenbe küni yaponiye paytexti tokyoda axbarat élan qilish yighini chaqirip, xitay bilen dalay lama wekillirining arisida élip bérilghan axirqi söhbet kishige ilham bexsh ételmeydighanliqini bildürdi.
Muxbirimiz erkin xewiri
2008.07.03

 Késang yangké takla xanim mundaq deydu " bezi xitay rehberliri teripidin élan qilin'ghan bayanatlar bolupmu , tibet aptonom rayoni da'irilirining tibet weziyiti heqqidiki sözliridin söhbetning ilham bexsh ételmeydighanliqi melum".

U, özining béyjingdiki söhbet mezmunidin téxi waqiplandurulmighanliqi, lékin " xitay da'irilirining sözidin ularning tibet xelqi chékiwatqan japa - musheqqetni anglashni xalaydighandek qilmaydighanliqi"ni bildürdi. U béyjingda emdila axirlashqan 7 ‏ - nöwetlik xitay - tibet söhbitide néme ishlarning yüz bergenlikige qaraydighanliqini eskertidu.

Xitay hökümiti peyshenbe küni kompartiye merkizi birliksep bölümining mes'uli, siyasi kéngeshning mu'awin re'isi du chinglinning lodi gyari we kélsang gyaltsénlar bilen uchrashqanliqi, du chinglinning "dalay lama semimiyitini körsetse yil axiridin burun yene bir qétim uchrishishni xalaymiz " dégenlikini bildürgen idi.

Shinxu'a axbarat agéntliqining ashkarilishiche, dalay lamaning wekilliri olimpik tenterbiye sariyini ziyaret qilghan shundaqla béyjingdiki bezi tibet mesililiri mutexessisi hem tetqiqatchilar bilen söhbet ötküzgen. Igilishimizge qarighanda , tibet wekiller ömiki peyshenbe küni béyjingdin ayrilghan bolup, nöwette ular daramsalagha qaytish sepiride iken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.