Уйғур елидә олимпиктин кейинму қаттиқ бастуруш давамлишиду

Хитай даирилири 18 - авғуст, дүшәнбә күни муқимлиқ хизмити телефон йиғини ечип, уйғур елидә муқимлиқни сақлаш үчүн қаттиқ қоллуқ билән бастурушни тәкрар тәкитлиди.
Мухбиримиз гүлчеһрә хәвири
2008-08-19
Share

Дүшәнбә күнидики телефон йиғинида, алдинқи мәзгиллиқ муқимлиқ хизмитидин доклат берилип, кейинки басқучлуқ муқимлиқ хизмәтлири орунлаштурулған.

Уйғур аптоном районлуқ сиясий қанун комитети партком секритари җу хәйлүн, буниңдин кейинки муқимлиқ хизмәтлири тоғрисидики тәләпләрни оттуриға қоюп,охшашла " үч хил күчләрниң зораванлиқ вә террорлуқ һәрикәтлириниң қәтий алдини елип, сиясий аң, бихәтәрлик еңи, мәсулийәт еңини йәниму күчәйтип, җәмийәт әһвалини вә хәлқ райини яхши игиләп көңлимиздә сан болушни әмәлгә ашуруп, муқимлиқни қоғдашта қәтий тәврәнмәй, үч хил күчләргә зәрбә бериштә, беликимиз төмүрдәк қаттиқ болуши керәк" дегән.

Өткән чаршәнбә ечилған асаси қатлам хизмитини күчәйтип, иҗтимаий муқимлиқни қоғдаш йиғинидиму, ваң лечуән муқимлиқ хизмитини һаят ‏ - маматлиқ күрәш дәп тәсвирләп,уйғур елидә муқимлиққа пүтүн күч билән капаләтлик қилип қаттиқ бастурушни бошашмай давамлаштурушни тәкитлигән иди.

Тәңритағ ториниң җу хәйлүнниң сөзини нәқил елишичә, уйғур елиниң муқимлиқни қоғдаш хизмити йәниму мурәккәп вәзийәткә дуч келиватқан болуп үч хил күчләргә қарши туруш хизмити йәниму мушкүлләшкән.

Бейҗиң олимпики һарписида шундақла қәшқәр һәмдә кучаларда арқа арқидин йүз бәргән вәқәләрдин кейин хитай даирилири уйғур елидә муқимлиқни қоғдаш баһанисидә бастурушни қаттиқ давамлаштуруватқан болуп, уйғур паалийәтчилириниң тәһлиличә,бу йиғинларда хитай даирилириниң уйғур елидә үч хил күчләргә зәрбә беришниң узун муддәтлик күрәшликини тәкитлиши, бейҗиң олимпики ахирлашқандин кейинму уйғур илидики бастуруш һәрикәтлирини адәттин ташқири рәһимсизлик билән давамлаштуридиғанлиқидин бишарәт беридикән.

 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт