Amérikiridiki Uyghur jama'iti merhum abdulhekimxan mexsumning rohigha xetme-qur'an ötküzdi

Muxbirimiz eziz
2016-12-30
Share
abdulhekimxan-mexsum-amerika-jinaza-namaz-2016.jpg Amérikiridiki Uyghur jama'iti merhum abdulhekimxan mexsumning rohigha xetme-qur'an ötküzdi
RFA/Eziz


Türkiyede istiqamette yashawatqan tonulghan Uyghur diniy alim, jama'et erbabi, shundaqla sherqiy türksitan ma'arip we hemkarliq jem'iyitining qurghuchisi abdulhekimxan mexsum hajim 22-dékabir küni ushtumtut wapat bolghandin kéyin dunyaning herqaysi jayliridiki Uyghur jama'iti merhumni chongqur yad etti. Shu qatarda amérikidiki Uyghur jama'itimu 30-dékabir küni jem bolup, merhumning ghayibane jinaza namizini oqudi hemde uninggha atap xetme-qur'an ötküzdi.

Muhajirettiki Uyghurlarning milliy dawa pa'aliyetliride harmas siyasiy pa'aliyetchi we wa'iz süpitide hörmetke sazawer bolup kéliwatqan abdulhekimxan mexsum hajim ushtumtut wapat bolghandin kéyin, herqaysi döletlerdiki Uyghur topluqliri üchün buning bir zor yoqitish bolghanliqi melum bolushqa bashlidi. Herqaysi memliketlerde muhajir bolup yashawatqan Uyghur jama'iti merhumning wapatigha bolghan qayghusini merhumgha atap du'a tilawet qilish bilen ipadilidi. Shu qatarda dunya Uyghur qurultiyi we amérika Uyghur birleshmisining teshkillishi bilen 30-öktebir küni jüme namizidin kéyin amérikidiki bir qisim Uyghur jama'iti yene bir qétim jem bolup, washin'giton shehirige yéqin ezher jameside merhum abdulhekimxan mexsum hajimning ghayibane jinaza namizini oqudi. Shuning bilen birge, merhumning rohigha atap xetme-qur'an ötküzdi.

Yuqiridiki ulinshtin, muxbirimiz ezizning neq meydandin yollighan melumatlirini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet