ئەخمەتجان ئوسمان تەيۋەندە ئۇيغۇر مەسىلىسىنى ئاڭلاتقان

ئىختىيارىي مۇخبىرىمىز پىدائىي
2016.10.28
Share on WhatsApp
Share on WhatsApp
exmetjan-osman-taiwan-teywen-2016.jpg ئەخمەتجان ئوسمان ئەپەندى تەيۋەندە
RFA/Pidaiy


مەشھۇر ئۇيغۇر شائىرى ئەخمەتجان ئوسمان ئەپەندى ياپونىيەدە ئېلىپ بارغان 5 - قېتىملىق زىيارىتىدىن كىيىن، ئالاھىدە تەكلىپ بىلەن تەيۋەنگە بېرىپ، ئۇ يەردە 18 - ئۆكتەبىردىن 21 - ئۆكتەبىرگىچە ئۈچ كۈن زىيارەتتە بولغان.

بۇ جەرياندا چىڭخۇا ئۇنىۋېرسىتېتى ۋە جۇڭشېڭ ئۇنىۋېرسىتېتىدا شەرقىي تۈركىستان سۈرگۈن ھۆكۈمىتى توغرىسىدا مەلۇمات بەرگەن. ئۇ شۇنداقلا تەيۋەن دېموكراتىك تەرەققىيات پارتىيىسىنىڭ پارلامېنت ئەزالىرى ۋە «تەيۋەن ئەۋلاد فوندى» نىڭ باش سېكرېتارى خۇ ياۋنەنلەر بىلەن كۆرۈشكەن.

مەلۇم بولۇشىچە بۇ قېتىملىق تەيۋەن سەپىرى تەيۋەنلىك ئۇيغۇر تەتقىقاتچى شېجەنيۈ ئەپەندىنىڭ تەكلىپى بىلەن ئېلىپ بېرىلغان بولۇپ، شېجەنيۈ ئەپەندى ياپونىيەدە ئېچىلغان «خىتايدىكى ئاتوم تەھدىتى» ناملىق يېغىندا ئورتىغا قويۇلغان مەزمۇنلارنىڭ تەيۋەندىكى دوستلىرىغىمۇ بىلدۈرۈلۈشنى مەقسەت قىلغان ئىكەن.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.