Tonulghan ressam merwayit hapiz xanim mexsus resim körgezmisi achti

Muxbirimiz erkin tarim
2014-12-02
Share
merwayet-hapiz-germaniye-resim-korgezme.jpg Tonulghan ressam merwayit hapiz xanimning mexsus resim körgezmisi
RFA/Erkin Tarim


12 - Ayning 1 - küni gérmaniyening myunxén shehiride tonulghan ressam merwayit hapiz xanimning mexsus resim körgezmisi échildi.

Psixologiye akadémiyesining resim körgezme zalida échilghan échilish murasimigha gérmaniyediki tonulghan ressamlar, resim heweskarliri we ammidin bolup köp sanda kishi qatnashqan. Échilish murasimigha d u q ijra'iye komitéti re'isi dolqun eysa ependi, Uyghur qelemkeshler jem'iyiti mes'uli qeyser özxun ependilermu qatnashqan. 2014 - Yili 12 - ayning 1 - künidin 2015 - yili 1 - ayning 27 - künigiche ikki ay dawam qilidighan bu körgezmige merwayit hapiz xanim sizghan 70 parche resim qoyulghan bolup, resimlerde qeshqerning tarixi öyliri, qedimiy kochiliri, Uyghurlarning turmushi we medeniyiti eks ettürülgen. D u q ijra'iye komitéti re'isi dolqun eysa ependi merwayit hapiz xanimning yawropadiki 18 yilliq ressamliq hayatigha yuqiri baha bérip mundaq dédi:

Merwayit hapiz xanim yawropada béshidin ötküzgen 18 yilliq ressamliq hayatida nurghun qiyinchiliqlargha qarimastin dunyaning herqaysi jaylirida nurghun körgezmilerge qatnashti we özining mexsus körgezmilirini achti. Yawropaliqlar siyasettin köprek medeniyet - sen'etke qiziqidu. Merwayit xanim resimliri arqiliq Uyghurlarni dunyagha tonutushqa bolupmu yawropagha tonutushqa zor töhpilerni qoshti.

Uyghur qelemkeshler jem'iyiti mes'uli qeyser özxun ependi merwayit hapiz xanimning chet'eldila emes belki Uyghur élidimu tonulghan bir Uyghur ressam ikenlikini, Uyghur ressamliq tarixida özige xas bir uslubni yaratqanliqini otturigha qoydi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet